U Viciebsku mužčyna pradavaŭ pulsaksimietry bieź siertyfikataŭ. Jamu pradjaŭlenaje abvinavačvańnie
Pavodle SK, 38-hadovy mužčyna pryvoziŭ z susiedniaj krainy prybory dla vymiareńnia ŭzroŭniu kisłarodu ŭ kryvi i pradavaŭ ich tańniej, čym u Biełarusi, u vosiem razoŭ.
Nabyvajučy tannyja pulsaksimietry, ludzi nie cikavilisia najaŭnaściu dakumientaŭ da ich. Adnak u adnym vypadku mužčyna źviarnuŭsia ŭ pravaachoŭnyja orhany. Jon vymiaraŭ pulsaksimietram utrymańnie kisłarodu ŭ kryvi i na padstavie atrymanych pakazčykaŭ prymaŭ preparaty, paśla čaho jamu spatrebiłasia dapamoha miedykaŭ. Pavodle SK, prybor pakazvaŭ niapravilnyja vyniki.
Padčas dopytu pradaviec pulsaksimietraŭ rastłumačyŭ, što pieršy prybor jon nabyŭ sabie, kali zachvareŭ. A paźniej pryjšła ŭ hałavu ideja zarabić.
Na majomaść abvinavačanaha nakładzieny aryšt. Jamu pradjaŭlenaje abvinavačańnie pa č. 1 art. 338-2 (uvoz u Respubliku Biełaruś, zachoŭvańnie ŭ metach zbytu i zbyt falsifikavanych miedycynskich vyrabaŭ, niezarehistravanych miedycynskich vyrabaŭ) Kryminalnaha kodeksa Respubliki Biełaruś.