U Polščy aryštavali biełarusa, jaki byŭ u vyšuku za ŭdzieł u arhanizavanaj złačynnaj hrupoŭcy
Toj chavaŭsia ad pravasudździa, a zatrymlivali jaho adrazu 16 palicyjantaŭ.
Fota: Wirtualny Garwolin
U polskim horadzie Harvolin (niedaloka ad Varšavy) 11 maja byŭ zatrymany hramadzianin Biełarusi, jaki ŭžo da hetaha byŭ asudžany da pazbaŭleńnia voli i chavaŭsia ad pravasudździa. Pra heta paviedamlaje miascovy partał Wirtualny Garwolin sa spasyłkaj na źviestki miascovaj palicyi.
49-hadovy biełarus byŭ niadaŭna asudžany na 2 z pałovaj hady źniavoleńnia za padatkovyja machinacyi i kantrabandu padakcyznych tavaraŭ «na značnuju sumu hrošaj» u składzie arhanizavanaj złačynnaj hrupoŭki. Na dumku suda, złačynnaja dziejnaść była asnoŭnaj krynicaj dachodu dla biełarusa.
Toj, adnak, adrazu paśla vyniasieńnia prysudu źbieh i chavaŭsia da taho momantu, pakul nie byŭ vyjaŭleny patrulna-transpartnaj palicyjaj u Harvolinie.
«Mužčynu zatrymlivali adrazu 16 miascovych palicyjantaŭ, jakija paśla hetaha adpravili jaho va ŭčastak, a zatym etapavali ŭ tuju turmu, kudy biełarusa pieršapačatkova nakiravaŭ sud na adbyćcio pakarańnia», — piša partał Wirtualny Garwolin.
Imia aryštavanaha hramadzianina Biełarusi pakul što nie nazyvajecca.
Čytajcie taksama:
Biełarusa, jaki spaŭ na vulicy ŭ Varšavie, zabrali ŭ turmu. Što zdaryłasia?
U Polšču ź Biełarusi prylacieŭ pavietrany abjekt, papiarednie — aerastat nazirańnia
