Litoŭcy taksama zadumalisia nad pierajmienavańniem Kalininhrada
12 maja deputaty Vilus Siamieška i Paŭle Kuźmickienie źviarnulisia ŭ Dziaržaŭnuju kamisiju pa movie z prośbaj źmianić ciapierašni litoŭski varyjant nazvy Kalininhrada (Kaliningradas) na Karalaŭčus (Karaliaučius).
Fota: kzd.rzd.ru
U pres-relizie frakcyi kansiervataraŭ skazana, što ciapierašniaja nazva — heta rasijski naratyŭ, nazva źjaviłasia padčas ahresii SSSR u hady Druhoj suśvietnaj vajny, kali Kionihśbierh pierajmienavali ŭ Kalininhrad u honar Michaiła Kalinina.
Pa słovach Siamieški, u kantekście vajny va Ukrainie treba pierahledzieć nazvy i admovicca ad tych, jakija čužyja litoŭskaj movie.
«Daŭno para admovicca ad savieckaj spadčyny i nie zaśmiečvać našu movu inšarodnymi słovami. U znak salidarnaści z našymi susiedziami palakami my zaklikajem nie vykarystoŭvać u litoŭskaj movie naviazanyja nam štučnyja nazvy», — skazaŭ deputat.
Staršynia kamisii baraćby za svabodu i dziaržaŭnaj histaryčnaj pamiaci Kuźmickienie źviarnuła ŭvahu na metanakiravanuju palityku Maskvy ŭ śfiery tapanimiki, što siońnia heta treba mianiać. «Častka Uschodniaj Prusii, jakaja dastałasia SSSR jak vajenny trafiej, była nazvanaja Kalininhradskaj vobłaściu, paśla Druhoj suśvietnaj vajny jana naležała SSSR, zatym RF. Tut nikoli da hetaha nie žyli ruskija, Stalin chłusiŭ, kažučy, što heta histaryčnyja ziemli ruskich. Kab zabyłasia minułaje hetych miescaŭ, Maskva pravodziła metanakiravanuju palityku ŭ śfiery tapanimiki, byli rusifikavanyja nazvy nasielenych punktaŭ, vadajomaŭ», — zaŭvažyła Kuźmickienie.
«Pryjšoŭ čas nie mirycca z falsifikacyjaj historyi, admovicca ad uviedzienych nazvaŭ, viarnucca da histaryčnaj tapanimiki — viarnuć hetamu rehijonu bałtyjskuju linhvistyčnuju identyčnaść», — praciahnuła deputatka.
Čytajcie taksama:
