U Biełaviežskaj puščy ŭčora byli lasnyja pažary. Palaki padazrajuć, što pryčyna ŭ mihrantach
Pres-słužba Polskaj pamiežnaj słužby napisała na svaim sajcie, što 10 maja na biełaruskim baku ŭ Biełaviežskaj puščy jany dvojčy zaŭvažyli ŭzharańni.
Fota: podlaski.strazgraniczna.pl
Pieršaje zdareńnie adbyłosia apoŭdni, druhoje — uviečary. Biełarusy paśla atrymańnia ad palakaŭ infarmacyi pra ŭzharańni likvidavali ich. Ale Ministerstva lasnoj haspadarki Biełarusi pra pažary 10 maja ŭ Biełaviežskaj puščy ničoha nie paviedamlała.
Padobnaje zdareńnie adbyłosia kala miažy Biełarusi z Łatvijaj. Łatvijskija pamiežniki vykazali mierkavańnie, što pryčynaj pažaru mahli stać mihranty, jakija sprabujuć nielehalna patrapić u ES. Takoj samaj dumki prytrymlivajucca i polskija pamiežniki.
Mahčyma, što nielehalnyja mihranty z Azii i Afryki ŭ čakańni mahčymaści pierachodu praź miažu palać u lasach vohniščy, što i pryvodzić da pažaraniebiaśpiečnych situacyj.
Čytajcie taksama:
Litva nie stała praciahvać režym nadzvyčajnaha stanovišča na miažy ź Biełaruśsiu
Adnovicca avijazłučeńnie ź Iranam. Ci ryzyknie Łukašenka paŭtaryć ataku mihrantami?
