Znajści
Ałharytmičny łacinski varyjant
14.05.2023 / 12:413RusŁacBieł

«Aŭtamabil z niezabyŭnymi emocyjami». Jakija kabryjalety prapanuje biełaruski rynak

Pahladzieli, jakija aŭtamabili z adkidnym dacham možna nabyć u Biełarusi.

Fota tut i dalej: av.by

Aŭtamabil ź niezabyŭnymi emocyjami

Kala 160 aŭto z bolš čym 57 tysiač, vystaŭlenych na prodaž u Biełarusi, majuć adkidny vierch. Samy tanny z kabryjaletaŭ pradajecca ŭ Krupkach. 

Za Ford Escort 1989 hoda vypusku prosiać 2000 dalaraŭ. 

Haspadar apisvaje, što heta vydatny aŭtamabil ź niezabyŭnymi emocyjami. Zychodziačy z apisańnia, apošni raz Ford farbavali ŭ minułym hodzie. 

Ferrari pa canie 147,5 Ford Escort

Samy darahi kabryjalet, z vystaŭlenych na prodaž u Biełarusi, kaštuje amal u 150 razoŭ daražej, čym samy dastupny pa canie. 

Čyrvony Ferrari Portofino I pradajecca ŭ Minsku. Prosiać za aŭtamabil 2019 hoda vypusku $295 000, u canie aŭtamabila — 20% PDV. 

Pad kapotam u italjanskaha sportkara bienzinavy ruchavik abjomam 3,9 litra i mahutnaściu 600 konskich sił. Razhon da «sotni» ŭ Portofino składaje 3,5 siekundy, adznaku 200 km/h sportkar dasiahaje za 10,8 siekundy. Zajaŭleny prabieh — usiaho 26 451 km.

U apisańni da Ferrari paznačana, što aŭtamabil uvieś čas znachodziŭsia ŭ adnaho ŭłaśnika, jaki nabyvaŭ jaho novym u aficyjnaha dylera, dzie paśla prachodziŭ servisnaje absłuhoŭvańnie.

Biełaruski «narodny» kabryjalet

Cikava, što kala pałovy z vystaŭlenych na prodaž kabryjaletaŭ maładziejšyja za piać hadoŭ. Bolšaść ź ich niadaŭna pryvieziena ŭ Biełaruś sa Štataŭ i radziej ź Jeŭropy dla pieraprodažu.

Samy papularny sa «śviežych» kabryjaletaŭ — Ford Mystang. Aŭtamabili ad 2018 hoda pradajuć pa cenach ad 28 da 68 tysiač dalaraŭ.

Samy darahi «koń» u kuzavie kabryjalet źjaŭlajecca adzinym z ruchavikom abjomam 5 litraŭ. Usie astatnija varyjanty asnaščany matoram abjomam 2,3 litra.

Lamborghini Mustang

Siarod dvuch dziasiatkaŭ Mustang jość varyjant ź dźviercami, jakija adčyniajucca tak, jak u Lamborghini. 

Prosiać za taki aŭtamabil 39 900 dalaraŭ. Hod vypusku — 2019, zajaŭleny prabieh — 85 000 km.

«Unikalny aŭtamabil! Maksimalna mocna pryciahvaje ŭvahu. Nie patrabuje ŭkładańniaŭ», — apisvaje aŭtamabil pradaviec, jaki prosić aŭtasałony nie turbavać jaho.

«U blizkim da idealnaha stanie»

Samy ŭzrostavy kabryjalet u prodažy — Cadillac Eldorado 1971 hoda vypusku.

U apisańni paznačana, što aŭtamabil znachodzicca ŭ stanie, blizkim da idealnaha. Restaŭracyjnyja raboty byli praviedzieny letaś. 

Taksama pradaviec adznačaje, što hety Cadillac nie kulturna-histaryčnaja kaštoŭnaść, całkam razmytnieny na JEAES i nie maje nijakich abmiežavańniaŭ. Miarkujučy pa fota ŭ abjavie, vyhladaje, što retrakabryjalet vykarystoŭvajecca ŭ viasielnym biznesie.

«Lehiendarnaja madel Cadillac z kultavaha filma «Strach i nianaviść u Łas-Viehasie», — havorycca ŭ apisańni. Pradaviec taksama prapanuje pahladzieć videa z uryŭkam taho samaha filma.

Kabryjalet ad zbankrutavanaha vytvorcy

Na hetym śpis ekskluziŭnych dla našych daroh kabryjaletaŭ nie zaviaršajecca. Tak, naprykład, za 16 200 dalaraŭ u Minsku pradajecca Pontiac Solstice 2006 hoda vypusku.

Jarka-žoŭty kabryjalet maje pad kapotam bienzinavy ruchavik abjomam 2 litry, mahutnaść — 264 k.s., pracuje ŭ pary ź miechaničnaj karobkaj pieradač. 

«Aŭtamabil z ZŠA. Dva ŭłaśniki ŭ Biełarusi. U apošniaha ŭ karystańni adzin hod. Absłuhoŭvaŭsia na śpiecyjalizavanym STA. Apošniaje TA 1000 km tamu. Aŭtamabil nie patrabuje ŭkładańniaŭ i całkam hatovy da dalejšaj ekspłuatacyi», — havorycca ŭ apisańni.

Ekskluziŭnaści hetamu aŭto dadaje i toj fakt, što brend Pontiac, jaki biare pačatak z 1926 hoda, spyniŭ svajo isnavańnie jašče ŭ 2010 hodzie. 

Bentley dla biednych

Za 13 700 pradajecca jašče adzin amierykanski kabryjalet 2006 hoda vypusku. Chrysler Crossfire znachodzicca ŭ prodažy sa žniŭnia 2021 hoda. 

Pad kapotam u jaho bienzinavy ruchavik abjomam 3,2 litra, jaki pracuje ŭ pary z aŭtamatyčnaj karobkaj pieradač. Zajaŭleny prabieh — 60 tysiač kiłamietraŭ.

Praz vonkavaje padabienstva z aŭtamabilami marki Bentley Chrysler Crossfire časam nazyvajuć Bentley dla biednych. Dla bolšaha padabienstva z aŭtamabilami premijalnaha brenda ŭ prodažy navat možna znajści radyjatarnyja rašotki, stylizavanyja pad Bentley.

Golf z «błatnym» numaram

Siarod varyjantaŭ pa bolš demakratyčnych cenach pradajecca VW Golf 1999 hoda vypusku. Za 24-hadovy «narodny» aŭtamabil prosiać 4000 dalaraŭ, što ŭ pryncypie supastaŭlalna z cenami na zvyčajnyja aŭtamabili «Holf» čaćviortaha pakaleńnia.

Pad kapotam u Golf bienzinavy ruchavik 1,6 i MKPP, zajaŭleny prabieh — 250 tysiač kiłamietraŭ.

Aŭtamabil maje «błatny» numar, ale ci dastaniecca jon novamu ŭłaśniku, kali toj budzie mieć staličnuju prapisku, — nieviadoma.

U apisańni da aŭto paznača tolki adna fraza: «Pačni leta jarka».

Ahułam dla amataraŭ jazdy biez dachu nad hałavoju ŭ biudžecie da 5000 tysiač dalaraŭ vybirać asabliva niama z čaho. 

Za takija hrošy možna raźličvać tolki na kuplu Peugeot 206, Renault Megane abo Chrysler Sebring. Usio heta buduć aŭtamabili, jakija syšli z kanviejera na rubiažy kanca 90-ch — pačatku «nulavych».

Čytajcie taksama:

Pa canie dźviuch kvater u Minsku. Jakija kiempiery pradajuć u Biełarusi

Žychary jakoj vobłaści majuć bolš aŭtamabilaŭ va ŭłasnaści

U Biełarusi raście kolkaść aŭto ŭ prodažy. Čamu tak adbyvajecca? Tłumačać hulcy rynku

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
1
Žvir/adkazać/
14.05.2023
Aj, łom. A što z elektra jość?
0
mikola/adkazać/
14.05.2023
rasce dabrabyt belarusau......tamu nihto ni hocza niczoga mjanac......
0
Maksim Dizajnier/adkazać/
14.05.2023
Biednyje...Biednyje i hołodnyje biełarusiki!Mustanh pieried pokupkoj nastojatielno riekomienduju posmotrieť vsiem lubitielam krasivych kartinok. Vizualno - kitčievaja pohriemuška iz diešievoho hlancievoho płastika. I počitať pro tiechničieskije niuansy.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera