Sakratar RNBA Ukrainy raspavioŭ pra šok rasijan ad straty «Kinžała»
Rasijanie ličyli, što ich balistyka źjaŭlajecca nieźniščalnaj dla sistem SPA.
Alaksiej Daniłaŭ. Fota: UNIAN
Rasijskaja Fiederacyja była ŭ šoku ad udałaj likvidacyi balistyčnaj rakiety «Kinžał» u niebie nad Kijevam u noč na 4 maja.
Pra heta paviedamiŭ sakratar Rady nacyjanalnaj biaśpieki i abarony Ukrainy Alaksiej Daniłaŭ padčas ukrainskaha marafonu. Pavodle jaho słoŭ, RF daremna ličyła svaju «balistyku» nieparažalnaj dla sistem SPA, bo amierykanski Patriot niepryjemna ździviŭ voraha, piša UNIAN.
«Dla rasijan heta byŭ šok, bo jany ličyli rakiety «Kinžał» takimi, jakija niemahčyma źbić. Tamu razumiejem, što nieba ŭ nas abaronienaje», — adznačyŭ jon.
Taksama jon zhadaŭ pra toje, što sistemy Patriot zdolnyja biezdakorna pracavać nie tolki pa «Kinžałach», ale i efiektyŭna źbivać inšyja celi.
Čytajcie taksama:
USU ŭsio ž taki źbili «Kinžał»
Źbićciom «Kinžała» ŭkraincy paćvierdzili na praktycy toje, što było hipotezaj — ZŠA
