Palitviaźnia Mikałaja Klimoviča pachavajuć 12 maja na pinskich mohiłkach
Cieła Mikałaja Klimoviča pryviazuć u Pinsk ź Viciebska 11 maja, daviedaŭsia ad svajoj krynicy telehram-kanał «Pozirk».
Na nastupny dzień zapłanavana raźvitańnie z palitviaźniem kala jahonaha doma, a 14-j hadzinie — pachavańnie na mohiłkach «Tarhošycy».
Pra śmierć 61-hadovaha Mikałaja Klimoviča stała viadoma 7 maja. Niezadoŭha pierad hetym jon byŭ etapavany ŭ viciebskuju kałoniju, dzie prabyŭ usiaho paru tydniaŭ.
Sioleta 28 lutaha sud Pinskaha rajona i Pinska pryhavaryŭ Klimoviča da 1 hoda kałonii za «abrazu» Alaksandra Łukašenki. Jon pastaviŭ znak «śmiešna» pad malunkam, na jakim Łukašenka i Uładzimir Pucin byli ŭ nacysckaj formie.
Mikałaj Klimovič pieranios insult i składanuju apieracyju na sercy i pierad prysudam skazaŭ: «Luboje turemnaje źniavolvańnie dla mianie — heta śmierć, tamu što ja pavinien być pad stałym nahladam doktara, prymać vialikuju kolkaść mocnych lekaŭ. Ja mahu nie vytrymać navat miesiaca».
