Paśla dyviersij na čyhuncy ŭ Branskaj vobłaści siłaviki pačali šukać inšaziemca ŭ Biełarusi
Paviedamleńnie ab pošuku čałavieka ź imiem Eduard upieršyniu źjaviłasia 5 maja ŭ sacyjalnych sietkach aŭtaparkaŭ i telehram-kanale Homielskaha adździaleńnia BČ, piša «Fłahštok».
Fota i pašpartnyja danyja zaretušavanyja «Fłahštokam»
Akramia imia, proźvišča, imia pa baćku, u paviedamleńni prysutničaje i data naradžeńnia mužčyny.
7 maja ŭ aŭtamabilnym čacie Mazyrskaha rajona zjaviłasia ŭdakładnieńnie, što Eduarda šukajuć «u suviazi z učynieńniem ciažkaha złačynstva».
Biełaruskija «Kibierpartyzany» na zapyt «Fłahštoka» paviedamili, što biełarusaŭ z takimi pašpartnymi danymi nie isnuje, a sistema raspaznavańnia tvaraŭ nie znajšła vyjavy čałavieka z vysokaj stupieńniu padabienstva ŭ biełaruskaj pašpartnaj sistemie.
1 maja ŭ Branskaj vobłaści puścili pad adchon biełaruski ciahnik.
Na nastupny dzień tam zrabili jašče adnu paśpiachovuju dyviersiju na čyhuncy — hruzavy ciahnik syšoŭ z rejek.
