Prezidentka Małdovy: Kali Rasija napadzie, ja zastanusia ŭ krainie
Maja Sandu ŭ intervju Financial Times zajaviła pra namier Rasii adnavić Saviecki Sajuz. U svajoj zajavie jana adznačyła, što rasijskija vajskoŭcy nie spynilisia b pierad miažoj Małdovy. Na dumku prezidenta, Rasija nie dabrałasia da miež Małdovy tolki dziakujučy mužnaści sałdat Uzbrojenych sił Ukrainy, piša newsmaker.md.
Maja Sandu. Fota: Aurel Obreja / AP
«Rasija choča adnavić Saviecki Sajuz, jany chočuć viarnucca ŭ byłyja časy. My nie chočam hetaha. My chočam być častkaj demakratyčnaha śvietu», — adznačyła Sandu.
Prezident taksama zajaviła, što, niahledziačy na pryniatyja sproby, Rasii nie ŭdałosia destabilizavać situacyju ŭ Małdovie.
«Rasija zaŭsiody sprabavała kantralavać Małdovu. Kali jany ŭbačyli, što bolš nie mohuć šantažavać nas hazam, to pajšli na inšyja miery. Skarystaŭšysia sacyjalnymi ciažkaściami, jany pajšli na vuličnyja pratesty, ale i z hetym nie spravilisia», — adznačyła Maja Sandu.
Prezident taksama adkazała na pytańnie, ci zastałasia b jana ŭ Małdovie, pobač z narodam, u vypadku ŭvarvańnia Rasii.
«Tak, viadoma. Ja b zastałasia», — zajaviła Sandu.
Čytajcie taksama:
Małdova pazbaŭlajecca ad rasijskaha hazu: pastaŭlać haz joj płanuje hrečaskaja kampanija
Maja Sandu: Rasija choča vykarystoŭvać Małdovu hetak ža, jak i Biełaruś
Dziaržaŭnaj movaj Małdovy zamiest małdaŭskaj stała rumynskaja
