Va Ukrainie ŭziali pad vartu mera Adesy
Mer Adesy Hienadź Truchanaŭ uziaty pad vartu, paviedamiła ŭkrainskaja Śpiecyjalizavanaja antykarupcyjnaja prakuratura (SAP). Heta było zroblena tamu, što čynoŭnik nie ŭnios va ŭstanoŭleny termin zakład, jaki ad jaho patrabavaŭsia.
Sprava Truchanava farmalna nie maje palityčnaha padtekstu i nie źviazanaja z vajnoj z Rasijaj. Heta praciah užo daŭniaj kryminalnaj spravy, źviazanaj z karupcyjaj. Choć uvohule da vajny jon mieŭ imidž palityka, jaki simpatyzavaŭ Rasii, byŭ ź joj źviazany i navat nibyta mieŭ rasijski pašpart. Paśla pačatku rasijskaj ahresii jon, adnak, publična zaniaŭ vyrazna praŭkrainskuju pazicyju.
Śledstva ličyć, što ŭ 2016 hodzie meryja Adesy nabyła ŭ pryvatnaj kampanii budynak zavoda «Krajan», jaki zbankrutavaŭ, pa zavyšanaj canie i takim čynam Truchanaŭ i inšyja fihuranty zavałodali bolš za 92 młn hryŭniaŭ.
U 2019 hodzie sud vynies apraŭdalny prysud, ale Vyšejšy antykarupcyjny sud admianiŭ rašeńnie, i spravu nakiravali na paŭtorny razhlad.
Čytajcie taksama:
Ukrainskaja mafija razarvała suviazi z rasijskaj. Nastupstvy adčuvajucca pa ŭsioj Jeŭropie
«Budziem stajać da śmierci»: mer Adesy raskazaŭ pra abaronu horada
Afšory Miesi i Nazarbajevych — apublikavali druhuju častku «Panamskaha archiva»