«Nie budu śpiavać z terarystami, jakija zabivajuć dziaciej». 13-hadovaja ŭkrainskaja śpiavačka admoviłasia dzialić scenu z rasijaninam na fiestyvali ŭ Italii
Trynaccacihadovaja śpiavačka z Ukrainy Safija Samaluk admoviłasia dzialić scenu z rasijskim vykanaŭcam na viadomym fiestyvali Sanremo Junior, jaki prachodzić u Italii. Pra ŭdzieł rasijan arhanizatary abviaścili za niekalki hadzin da samaha konkursu 3 maja, raspaviali pradstaŭniki śpiavački, pra vypadak piša «Ukrainskaja praŭda».
Zamiest prezientacyi svajho vakalnaha numara, Safija Samaluk skazała pramovu. U joj śpiavačka zajaviła pra niedapuščalnaść prysutnaści na mižnarodnaj scenie pradstaŭnikoŭ krainy-ahresara.
«Ja nie budu śpiavać na adnoj scenie z rasijskimi terarystami, jakija zabivajuć ukrainskich dziaciej. Spadziavajusia, u nastupnym hodzie na hetaj scenie krainy-terarystki nie budzie. Kali łaska, padtrymlivajcie Ukrainu», — zajaviła sa sceny Safija.
Trinadciatirična śpivačka z Ukrajini, pieriemožnicia Čornomorśkich Ihor 2021 Sofija Samoluk vidmoviłasia diliti ścienu z rosijśkim vikonavciem na vidomomu fiestivali Sanremo Junior pic.twitter.com/0TNzppPCME
Kijaŭlanka Safija Samaluk u 2021 hodzie stała pieramožcaj fiestyvalu Čarnamorskija hulni, jaki prachodziŭ u Skadoŭsku Chiersonskaj vobłaści. Jana atrymała pieramohu ŭ katehoryi «vakalistki 11-13 hadoŭ». U 2022 hodzie śpiavačka atrymała hran-pry dziciačaha fiestyvalu United Kids u Bałharyi. Jana stała najlepšaj siarod udzielnikaŭ uzrostavaj katehoryi 13-14 hadoŭ.
Vakalny konkurs Sanremo Junior prachodzić u Italii pad ehidaj mižnarodnaj arhanizacyi JUNISIEF — Dziciačaha fondu AAN. Jaje metaj vyznačanaja abarona pravoŭ i intaresaŭ dziaciej.
Čytajcie taksama:
Jeŭrabačańnie-2023: voś top-10 piesień, jakija mohuć pieramahčy
Biełaruski hurt, jaki bližej za ŭsich byŭ da «Hremi»
Paŭdniovakarejski dziavočy hurt ustanaviŭ absalutny rekord pa prahladach na Youtube. 30 miljardaŭ!
