FSB śćviardžaje, što raskryła ahientaŭ HUR Minabarony Ukrainy, jakija płanavali dyviersii ŭ Krymie
FSB zajaviła, što raskryła padrychtoŭku zamachu na kiraŭnikoŭ anieksavanaha Kryma z boku HUR Minabarony Ukrainy. Arhanizataram zamachaŭ, pavodle FSB, źjaŭlajecca namieśnik kiraŭnika Ofisa prezidenta Ukrainy Mašaviec. Zatrymana siamiora ŭdzielnikaŭ ahienturnaj sietki vajskovaj raźviedki Ukrainy ŭ Krymie.
Fota: ukrinform.ua
Pavodle FSB, siarod celaŭ dyviersantaŭ byli kiraŭnik Kryma Siarhiej Aksionaŭ, śpikier parłamienta Uładzimir Kanstancinaŭ, mer Jałty Janina Paŭlenka, transpartnaja infrastruktura paŭvostrava.
U jakaści niepasrednaha arhanizatara teraktaŭ nazvany namieśnik načalnika Ofisa Zialenskaha Raman Mašaviec.
Pa spravie ab padrychtoŭcy teraktaŭ u Krymie zatrymanyja členy ŭkrainskaj ahienturnaj hrupy: hramadzianie Rasii i Ukrainy Viktar Padvalny, Alaksandr Litvinienka, Siarhiej Kryvašein, Kanstancin Jaŭmienienka, Ihar Zoryn i Siarhiej Vajnaroŭski, paviedamlaje FSB.
Taksama zatrymany hramadzianin Ukrainy i Bałharyi Pietranaŭ, jaki maje dačynieńnie da dastaŭki srodkaŭ paražeńnia ŭ Rasiju.
U zatrymanych, pavodle FSB, vyjaŭlena piać hatovych da vykarystańnia bombaŭ, elektradetanatary, radyjokiravanyja miechanizmy, trekiery dla sačeńnia.
Akramia taho, vykryty arhanizavany ŭkrainskimi śpiecsłužbami kanał kantrabandnych pastavak vybuchovych rečyvaŭ z Bałharyi, jaki prachodziŭ praz Turcyju i Hruziju. Bomby «kamuflavali» pad elektraplity, śćviardžaje FSB.
