Lijanela Miesi adchilili ad matčaŭ PSŽ. Kiraŭnictva kłuba aburyłasia jahonymi pavodzinami i nie źbirajecca praciahvać kantrakt
Arhiencinski forvard «Pary Sien-Žermien» Lijanel Miesi paśla prajhranaj hulni čempijanatu Francyi adpraviŭsia ŭ Saudaŭskuju Araviju. Jon mieŭ tak prava rabić tolki ŭ vypadku pieramohi ci ničyjoj.
Jak paviedamlaje RMC Sport, kłub pryniaŭ rašeńnie adchilić 35-hadovaha futbalista na dva tydni. Kiraŭnictva ličyć, što Miesi dapuściŭ surjoznuju pamyłku.
Inšaje spartyŭnaje vydańnie — L'Equipe — dadaje, što kiraŭniki i niekatoryja hulcy PSŽ niehatyŭna adreahavali na niaŭzhodnienuju pajezdku Miesi ŭ Saudaŭskuju Araviju. Ciapier kłub schilajecca da taho, što kantrakt arhiencinca, jaki zakančvajecca letam, nie budzie praciahnuty.
Aficyjna heta infarmacyja nie paćviardžałasia.
U Lijanela Miesi rekłamny kantrakt z Saudaŭskaj Aravijaj na 25 młn jeŭra za hod. Lea pavinien prasoŭvać turyzm: udzielničać u rekłamnych pajezdkach i rabić dopisy ŭ sacsietkach.
Čytajcie taksama:
Imia Piele ŭklučyli ŭ słoŭnik partuhalskaj movy jak sinomim słova «najlepšy»
Miesi moža viarnucca ŭ «Barsiełonu». Pryčym jon hatovy pajści na panižeńnie zarobku
