Kolki ciapier u Biełarusi pustych chat?
U Adziny rejestr damoŭ, jakija pustujuć, uklučana 6,6 tys. abjektaŭ pa ŭsioj Biełarusi. Takija źviestki pryvodzić navukova-praktyčny časopis «Ziamla Biełarusi».
Na prodaž pry hetym pakul prapanujecca tolki 119 damoŭ: 22 budynki znojduć haspadaroŭ praz aŭkcyjon, a 97 — biez praviadzieńnia aŭkcyjonu.
Taksama ŭ śpisie jość damy, jakija hatovyja pradać za adnu bazavuju vieličyniu, heta značyć za 37 rubloŭ.
Uładalnikaŭ abo spadčyńnikaŭ 299 damoŭ praciahvajuć šukać. Akramia taho, 67 budynkaŭ ułady pastavili na ŭlik — chaty pavinny pryvieści ŭ naležny stan.
Rejestr damoŭ, jakija pustujuć, stvorany dziaržaŭnymi orhanami ŭ pačatku hetaha hoda dla vyjaŭleńnia, uliku i skaračeńnia kolkaści takich budynkaŭ. Atrymać infarmacyju z rejestra moža kožny achvotny. Pry hetym možna ŭdakładnić charaktarystyki doma, miescaznachodžańnie, stan, uzrost.
Aznajomicca z Adzinym rejestram pustujučych damoŭ možna na sajcie eri2.nca.by, dla hetaha pry aŭtaryzacyi treba vybrać układku «Uvajści jak hość». Dalej pa filtry možna paznačyć aktualnyja paramietry abjektaŭ.
Čytajcie taksama:
«Z čaho pačać? Pačnicie sa špaleraŭ». Jak najbolš aščadna adnavić kuplenuju viaskovuju chatu