Psichapatam padabajecca hetaja muzyka. Praviercie, ci nie słuchaje jaje vaš siabar
Nasupierak ujaŭleńniam, što psichapaty majuć vytančany hust i addajuć pieravahu kłasičnaj muzycy, apytańni navukoŭcaŭ śviedčać pra toje, što ludziam ź psichapatyčnymi schilnaściami najčaściej padabajucca rep i chevi-mietał.
Kadr ź filma «Džokier». Fota: Nico Tavernese / Warner Bros.
Pop-kultura stvaryła šmat vobrazaŭ zładziejaŭ-psichapataŭ, jakija ŭ pierapynkach pamiž žorstkimi zabojstvami atrymlivajuć asałodu ad kłasičnaj muzyki. Dastatkova zhadać muzyčnyja husty viadomaha zabojcy Hanibała Lektera, Aleksa — hieroja «Zavadnoha apielsina» (ulubionym tvoram jakoha była «Dziaviataja simfonija» Bietchoviena) abo taniec Džokiera ŭ prybiralni pad huki vijałančeli isłandskaj muzykantki Childur Hudnadoŭcir.
Ale ž apytańnie navukoŭcaŭ ź Ńju-Jorkskaha ŭniviersiteta kaža pra toje, što sapraŭdnyja psichapaty addajuć pieravahu nie ŭzvyšanym miełodyjam, a repu.
Psichapaty — siarod nas
Prafiesar Paskal Vališ, aŭtar daśledavańnia, źviarnuŭ uvahu, što psichapaty — «nie zabojcy, jakija biehajuć ź siakieraj». Hetyja ludzi mohuć pracavać pobač z vami i vyhladać jak zvyčajnyja kalehi.
Adnak, kali kapnuć hłybiej, stanie zrazumieła, što čałaviek ź psichapatyčnaj asobaj maje śpiecyfičny sposab usprymańnia rečaisnaści, a taksama deficyt empatyi.
Psichapaty ŭ bolšaj stupieni, čym inšyja, staviać svaje patreby vyšej za patreby inšych ludziej. Pieraśledujučy svaje mety, jany časta nie padparadkoŭvajucca sacyjalnym i maralnym normam. Taksama jany mohuć pryčyniać bol inšym i pry hetym nie adčuvać nijakich zhryzotaŭ sumleńnia.
Jakija treki ŭpadabali ludzi ź psichapatyčnymi schilnaściami?
U daśledavańni ŭdzielničała 200 čałaviek. Spačatku jany prajšli psichałahičny test LSRP, jaki praviaraje psichapatyčnyja rysy. U im 26 śćviardžeńniaŭ, i čałaviek, jaki prachodzić test, musić adkazać, nakolki jon z hetymi śćviardžeńniami zhodny.
Zatym daśledčyki abjadnali adkazy ŭ hetym teście z vynikami apytańniaŭ pra muzyčnyja husty. U vyniku jany skłali śpis piesień, jakim addajuć pieravahu ludzi z samymi vysokimi pakazčykami psichapatyi.
Na viaršyni rejtynha akazałasia pieśnia hurta Blackstreet — No Diggity.
Taksama na vyšyni była pieśnia Eminiema Lose Yourself (jakaja stała saŭndtrekam da filma «Vośmaja mila» režysiora Kiorcisa Chensana i atrymała «Oskar»).
Ludziam z najmienšymi psichapatyčnymi schilnaściami bolš za ŭsio spadabalisia pieśni My Sharona hurta The Knack i Titanium Davida Hieta.
Padobnaje daśledavańnie pravodziŭ oksfardski psichołah Kievin Datan. U vyniku anłajn-apytańnia troch miljonaŭ čałaviek jon vyznačyŭ, što ludziam ź psichapatyčnymi schilnaściami bolš za ŭsio padabajecca słuchać rep, a zatym chevi-mietał. Značna mienš im padabajecca kłasičnaja muzyka abo džaz.
Čytajcie jašče:
to bok ja chutčej mastak, čym muzyka...
a muž i jaho siabry hrał(je)
i kali b ja mahła zaraz skazać nazvu ich mietałbandy, vy b praślazilisia )