Patryjarch Kirył pazbaviŭ sanu protadyjakana Andreja Kurajeva
Ukaz patryjarcha Kiryła ab pazbaŭleńni duchoŭnaha sanu Andreja Kurajeva apublikavany na sajcie RPC. Uvohule jeparchijalny carkoŭny sud Maskvy pryniaŭ adpaviednaje rašeńnie jašče ŭ 2021 hodzie, adnak raniej na jaho realizacyju byŭ uviedzieny maratoryj dla taho, kab dać Kurajevu čas «dla pieraasensavańnia svajoj pazicyi i viartańnia na šlach Carkvy, jaki byŭ abrany im u svoj čas».
Novy ŭkaz Kiryła spyniŭ dziejańnie maratoryja, bo protadyjakan «nie spyniŭ destruktyŭnuju dziejnaść» i «nie prajaviŭ ni na słovach, ni ŭ spravach prykmiet pakajańnia».
Andrej Kurajeŭ vystupaje suprać vajny va Ukrainie. U žniŭni jaho aštrafavali pavodle artykuła ab «dyskredytacyi» armii (č. 1 art. 20.3.3 KaAP) za publikacyju ŭ «Žyvym žurnale».
Taksama Andrej Kurajeŭ vitaŭ na svajoj staroncy ŭ fejsbuku niadaŭni vychad biełaruskich śviataroŭ Hieorhija Roja i Alaksandra Kuchty z Maskoŭskaha patryjarchatu i dałučeńnie da Kanstancinopalskaha. I ŭvohule jon prychilna stavicca da idei biełaruskaj aŭtakiefalii.
Čytajcie taksama:
Andrej Kurajeŭ: Łukašenka šantažuje Maskvu aŭtakiefalijaj
Andrej Kurajeŭ: Carkoŭna-pravavaja baza dla biełaruskaj aŭtakiefalii ŭžo padrychtavanaja
Andrej Kurajeŭ: Biełaruskuju carkvu my ŭžo stracili
Andrej Kurajeŭ: Z punktu hledžańnia Kanstancinopala Minsk — čužaja dla Maskvy terytoryja
