BiełAES letaś prastojvała bolš za pałovu času — MAHATE
U spravazdačy MAHATE pra stan jadziernaj enierhietyki ŭ śviecie paviedamlajecca, što letaś BiełAES prastojvała bolš za pałovu času.
Sa spravazdačy vynikaje, što ŭ 2022 hodzie pieršy enierhabłok Biełaruskaj AES pad Astraŭcom nie vypracoŭvaŭ elektraenierhiju amal 55% času. Usiaho ž było vypracavana kala 4,4 młrd kVt*h elektraenierhii.
Kaeficyjent vykarystańnia ŭstanoŭlenaj mahutnaści z momantu zapusku pieršaha enierhabłoka skłaŭ 50,2%.
U minułym hodzie pieršy błok BiełAES spyniali na płanavy ramont u krasaviku. Mierkavałasia, što ramont praciahniecca da lipienia, ale paśla enierhabłok padklučyli da sietki tolki ŭ listapadzie.
Pa infarmacyi Biełstata, u 2021 hodzie ŭ Biełarusi ŭsiaho było vypracavana 41 młrd kVt*h elektraenierhii, u 2020 hodzie — 38,7 młrd kVt*h.
Čytajcie taksama:
Dla zachavańnia radyjeaktyŭnych adkidaŭ razhladajucca try varyjanty
Rasija hatovaja dać Biełarusi adterminoŭku pa kredycie za BiełAES i dazvolić vypłaty ŭ rublach
