Aryna Sabalenka: Łukašenka moža kamientavać što choča, a ja prosta spartsmienka ź Biełarusi
Biełaruskaja tenisistka Aryna Sabalenka na turniry Porsche Tennis Grand Prix u Štutharcie vykazałasia pra vajnu i Łukašenku. Niahledziačy na toje, što raniej jana była zaŭvažanaja va ŭdziele ŭ praŭładnych mierapryjemstvach i padpisała list spartsmienaŭ u padtrymku režymu Łukašenki, hetym razam pasprabavała aściarožna dystancyjavacca ad jaho.
Aryna Sabalenka
«Jon [Łukašenka] moža kamientavać usio, što zachoča. Ja prosta spartsmienka ź Biełarusi, ja rablu ŭsio mahčymaje ŭ svaim vidzie sportu. Kali ŭkraincy jašče bolš źnienavidziać mianie paśla jahonych słoŭ, što ja mahu zrabić», — cytuje spartsmienku Bild.
Taksama jana nie vielmi vyrazna vykazałasia i adnosna vajny Rasii suprać Ukrainy. «Kali b ja mahła spynić hetuju vajnu, ja b heta zrabiła», — zajaviła ciapierašniaja druhaja rakietka śvietu, dadaŭšy, što nijak nie moža paŭpłyvać na situacyju z vajennymi dziejańniami.
«Mnohija ludzi pakazvajuć na mianie palcam, a niekatoryja, mahčyma, nienavidziać mianie. Ja ničoha nie zrabiła suprać Ukrainy. Jany nie lubiać mianie tolki tamu, što ja naradziłasia ŭ Biełarusi», — skazała tenisistka.
Miesiac tamu ŭkrainskaja tenisistka Lesia Curenka na adnym z turniraŭ admoviłasia hulać matč z Sabalenka.
Čytajcie taksama:
«Kryčy, b***». Na BT kamientatara niecenzurna prymušali zaŭzieć za Sabalenku
Łukašenka adznačyŭ pieramohu Sabalenka na Australian Open u kampanii Ciacieryna i špica
