Litoŭskim kramam dazvolać pradavać praterminavanyja pradukty
U Litvie kramam dazvolać pradavać niekatoryja pradukty, u jakich skončyŭsia termin prydatnaści, piša Delfi.lt. Dazvoł, praŭda, zakranie tolki pradukty ź vialikim terminam prydatnaści — hod i bolej. U hetuju hrupu ŭvachodziać, naprykład, krupy, muka, cukar-piasok ci alej. I možna budzie tak rabić tolki pry ŭmovie, što vytvorca paznačyŭ datu, da jakoj varta vykarystoŭvać pradukt.
Fota ilustracyjnaje
«My chočam dazvolić daŭžej pradavać tyja tavary, na jakich paznačana «lepš da». Heta nie tyčycca tych, na jakich paznačana «prydatny da». Tak i praduktaŭ mienš vykiniem, i ludzi zmohuć kupić tańniej», — tłumačyć ministarka ekanomiki Aŭšrynie Armanajcie.
U Litvie kažuć, što raniej takija pradukty pieradavali «charčovamu banku». «Značyć, mahli addavać ich na dabračynnaść, ale pradavać nie mahli», — adznačaje pradstaŭnica kampanii Iki Vajda Budranie.
U Ministerstvie ekanomiki miarkujuć, što prodaž praterminavanych praduktaŭ dapamoža zmahacca z praźmiernym ich vydatkavańniem. U Litvie štohod vykidvajuć 400000 ton praduktaŭ.
Razam z tym, hučać i hałasy suprać takoha rašeńnia. Praciŭniki hetaha kroku bajacca, što takimi praduktami budzie lohka atrucicca.
Čytajcie taksama:
Iran, AAE, Brazilija… Słodyčy ź jakich krain možna ciapier pabačyć na palicach biełaruskich kram?
