Jašče adnaho chłopca zatrymali paśla fejkavaj rassyłki ad HUBAZiK
U publikacyi śćviardžajecca, što da čałavieka spačatku pryjšli, a potym adšukali, u čym jon «vinavaty».
Zatrymany Jahor Vajciachovič. Fota: jaho staronka va ŭkantakcie
Zatrymany, jakoha pakazaŭ HUBAZiK, — 23-hadovy minčuk Jahor Vajciachovič. Jon skončyŭ minski prafiesijny licej budaŭnictva ŭ 2018-m hodzie.
Siłaviki śćviardžajuć, što jon aktyvavaŭ fejkavy bot nibyta «Bajpoła», paśla čaho da jaho pryjšli. Illu zmušajuć rvać jaho majku prosta na videa (na joj nadpis «Psicho3%»).
Paśla taho, jak u chłopca ŭčynili pieratrus, śćviardžajuć siłaviki, jany vyśvietlili, što jon prymaŭ udzieł u pratestach la ŭniviersama Ryha ŭ 2020-m hodzie. Paśla hetaha chłopca aryštavali.
Ci zaviedzienaja suprać Vajciachoviča kryminalnaja sprava — nie paviedamlajecca.
Nahadajem, učora adbyłasia čarhovaja fejkavaja rassyłka niby ad imia «Bajpoła». U joj prapanoŭvałasia byccam by pravieryć svoj akaŭnt praz bot, ale nasamreč vy pieradavali svaje źviestki naŭprost u HUBAZiK.
Heta nie pieršaja takaja rassyłka — padobnyja ŭkidy adbyvalisia ŭ kastryčniku (dvojčy) i listapadzie 2022-ha hoda, a paśla ŭ studzieni i lutym 2023-ha. Kožny raz na jaje vypadkova traplalisia pa niekalki čałaviek.
Čytajcie taksama:
HUBAZiK raskazaŭ pra pieršuju achviaru novaj fejkavaj rassyłki
Try prostyja parady, kab nie natrapić na fejkavyja inicyjatyvy ŭ Telegram
Jak HUBAZiK stvaraje fejkavyja pierapiski z fejkavymi ŭdzielnikami płana «Pieramoha»
