Pačynajuć sudzić vykładčyka Dźmitryja Jurtajeva. Jaho prymušali na kamieru čytać vieršy
Minski haradski sud pačynaje razhlad kryminalnaj spravy paeta i vykładčyka pryvatnaj škoły «Smart skuł» Dźmitryja Jurtajeva. Jaho vinavaciać u abrazie Łukašenki (č.1 art. 368 KK) i raspalvańni inšaj sacyjalnaj varožaści ( č. 1 art. 130 KK).
Spravu budzie razhladać sudździa Anžeła Kaściukievič, paviedamlaje «Viasna».
Palitźniavoleny Dźmitryj Jurtajeŭ byŭ zatrymany 21 vieraśnia 2022 hoda supracoŭnikami HUBAZiK. Vykładčyka prymusili na kamieru čytać ułasnyja vieršy i apraŭdvacca — nibyta jon u žniŭni 2020 hoda chadziŭ na akcyi, pisaŭ dopisy ŭ fejsbuku i va ŭkantakcie. Taksama ŭ praŭładnych kanałach zjavilisia skrynšoty ź jaho sacyjalnych sietak z krytykaj dziejańniaŭ uładaŭ.
Spačatku Dźmitryja dvojčy aryštavali pavodle administracyjnych spraŭ. Za niekalki dzion da zakančeńnia čarhovaha terminu suprać jaho zaviali kryminalnuju spravu za abrazu Łukašenki (art. 368 KK). Ciapier stała viadoma, što jaho taksama abvinavačvajuć pavodle art. 130 KK (raspalvańnie inšaj sacyjalnaj varožaści).
Sud prachodzić u adkrytym režymie.
Ramana Pratasieviča na sudzie abvinavacili ŭ kiravańni jašče adnym «ekstremisckim farmavańniem»
