Za administravańnie čata minčuku dali čatyry hady niavoli
U Minskim haradskim sudzie 13 krasavika vyniesieny prysud Uładzimiru Astapčyku, abvinavačanamu pavodle č. 3 art. 130 Kryminalnaha kodeksa ŭ raspalvańni sacyjalnaj varožaści.
Uładzimir Astapčyk
Spravu razhladała sudździa Viera Hałaŭkova, piša «Viasna».
Paśla zatrymańnia 21 lipienia 2022 hoda 30-hadovaha palitźniavolenaha Uładzimira Astapčyka ŭtrymlivali ŭ SIZA №1 Minska. Taksama viadoma, što jaho zatrymlivali i raniej. Tak, 8 listapada 2020 hoda jon byŭ pakarany administracyjnym aryštam na 12 sutak za ŭdzieł u masavym mierapryjemstvie.
Viadoma, što Uładzimir lubić pachody, matacykły, kampjutarnyja hulni, mifałohiju, aktyŭna zajmajecca sportam.
U chodzie sudovaha pracesu, jaki pačaŭsia 7 krasavika, vyśvietliłasia, što Uładzimir źjaŭlaŭsia administrataram telehram-kanała, u jakim publikavalisia kadry z akcyj pratestu na stancyi mietro «Puškinskaja» ŭ Minsku.
Sud pryznaŭ jaho vinavatym i pakaraŭ pazbaŭleńniem voli terminam na čatyry hady va ŭmovach ahulnaha režymu.
Dyrektarku «Słaŭcentra» Irynu Zimnievu aštrafavali i nie adpuścili
HUBAZiK raskazaŭ pra pieršuju achviaru novaj fejkavaj rassyłki
