Rasija z pačatku vajny straciła bolš za 10 tysiač adzinak bajavoj techniki. I heta nie acenki, a paćvierdžanyja ličby
Danyja niderłandskaha błoha Oryx, jaki śpiecyjalizujecca na padliku strat rasijskaj i ŭkrainskaj armij, śviedčać pra toje, što z pačatku vajny Rasija straciła bolš za 10 tysiač adzinak bajavoj techniki.
Padbityja rasijskija tanki ŭ Charkaŭskaj vobłaści. Fota: AP Photo / Efrem Lukatsky
Statystyka, jakuju publikuje Oryx, karystajecca davieram z-za mietodyki padliku: hety błoh uličvaje tolki tyja bajavyja mašyny, strata jakich dakładna paćvierdžanaja fota— ci videamateryjałami.
Usiaho rasijanie stracili 10005 mašyn. Ź ich bolšaja častka — 6473 — źniščanaja, a jašče 2834 zachoplenyja. 394 mašyny kinuli ich ekipažy, a 304 akazalisia paškodžanymi.
Amal piatuju častku strat składajuć tanki — ich u Rasii stała mienš na 1928 štuk, ź jakich 554 zachapili USU. BMP rasijskaja armija straciła 2284, ź ich 610 dastalisia ŭkrainskamu boku, bronietransparcioraŭ — 304, ź ich 93 zachoplena.
Papiaredniuju padobnuju kruhłuju ličbu, 5000 adzinak stračanaj rasijskaj techniki, błoh Oryx nazvaŭ 1 žniŭnia 2022 hoda.
Čytajcie taksama:
Z sastarełaj taktykaj ničoha nie budzie. Rasijski ekśpiert nazvaŭ pryčyny paražeńniaŭ svajoj armii
Čamu rasijskaja avijacyja tak słaba prajaviła siabie va Ukrainie: piać pamyłak Pucina
«Straty nieadnaŭlalnyja». Vajna va Ukrainie pastaviła rasijskuju armiju na miažu bankructva
