Uzrovień vady ŭ bolšaści rek praciahvaje raści — Biełhidramiet
Raście ŭzrovień vady ŭ bolšaści rek krainy.
Farmavańnie maksimalnych uzroŭniaŭ vady viasnovaj pavodki na rekach Biełarusi praciahniecca, paviedamili BiełTA ŭ Biełhidramiecie.
«Rost uzroŭniaŭ vady ź intensiŭnaściu 1-33 sm za sutki adznačajecca na Biarezinie, Prypiaci, Zachodniaj Dźvinie na ŭčastku Połack — Vierchniadźvinsk, Dniapry na ŭčastku Žłobin — Łojeŭ, Niomanie kala Stoŭbcaŭ, Sažy kala Homiela. Na astatnim praciahu nazvanych rek, a taksama Vilii nazirajecca spad uzroŭniaŭ vady z sutačnaj intensiŭnaściu 1-13 sm. Na bolšaści rek vada znachodzicca na pojmie», — raspaviali ŭ Biełhidramiecie.
Uzroŭni vady pieravyšajuć niebiaśpiečna vysokija adznaki na Dźvinie kala Połacka i Vierchniadźvinska, jaje prytoku race Uła kala ahraharadka Bačejkava, Biarezinie kala Barysava i Babrujska, Dniapry kala Žłobina, jaho prytoku, race Druć kala vioski Haradzišča, Sažy kala Homiela, jaho prytoku race Pronia kala vioski Laciahi, Prypiaci kala vioski Černičy, Pietrykava, jaje prytokach rekach Cna kala vioski Dziatłavičy, Pcič kala vioski Pieršaja Słabodka, Słuč kala ahraharadka Lenin i Ubarć kala vioski Krasnabiarežža.
Uzroŭni vady blizkija da niebiaśpiečna vysokich adznak na Niomanie kala Stoŭbcaŭ i jaho prytoku raki Ščara kala Słonima, Biarezinie kala Bierazino i Prypiaci kala Mazyra.
Pavodle źviestak MNS, zatapleńni račnymi vodami nazirajucca ŭ Homielskaj, Mahiloŭskaj, Minskaj, Bresckaj i Viciebskaj abłaściach.
U bližejšyja dni, pavodle infarmacyi hidrołahaŭ, farmavańnie maksimalnych uzroŭniaŭ vady viasnovaj pavodki na bolšaści rek krainy praciahniecca.
U Homieli Sož vyjšaŭ ź bierahoŭ i zatapiŭ nabiarežnuju
Na Homielščynie ŭzrovień vady ŭ rekach raście treci dzień FOTA
