U Homieli adbyłasia čarhovaja abłava

Skrynšot videa HUBAZiKa

Na videa siłavikoŭ pakazana vosiem zatrymanych. Kali da ich prychodzili, nie paviedamlajecca. Častku ludziej zatrymali za padpiski na «ekstremisckija» telehram-kanały, a inšych, vyhladaje, navat nie za palityku.

Adna z zatrymanych — 23-hadovaja Alina Halinskaja. Jana kaža, što niekali była padpisanaja na «ekstremisckija» kanały i pakidała tam kamientary.

Alina Halinskaja. Fota: jaje staronka «UKantakcie»

Jašče adzin zatrymany — 67-hadovy hamialčuk Ihar Lisoŭski. Jaho vinavaciać u «padpiscy na telehram-kanały».

Ihar Lisoŭski. Fota: jahonaja staronka «UKantakcie»

Prychodzili taksama da 20-hadovaha Marka Lebianka. Za što jaho zatrymali, zusim nie jasna, bo jon kaža, što nie maje «ekstremisckich» padpisak. U jaho absalutna nie palityčnyja sacsietki, a na adnym z fota va «UKantakcie» jon uvohule staić na ŭračystaj liniejcy «Homsielmaša» pobač z čyrvona-zialonym ściaham.

Mark Lebianok

Jašče dvoje zatrymanych kažuć, što niekali byli padpisanyja na «ekstremisckija» kanały, adnaho zatrymali za tatuiroŭku ź viadomym tekstam pra kopaŭ. Adzin z mužčyn u videa kaža, što byŭ sudzimy za kradziež mahnitoły, ale za što jaho ŭziali ciapier — niezrazumieła.

Čytajcie taksama:

Za kamientary zatrymali ajcišnika, jaki vydaliŭ telehram-akaŭnt paŭtara hoda tamu. Voś jak jaho znajšli

Tłumačym, jakim čynam siłaviki znachodziać karystalnikaŭ Telegram i jak hetaha paźbiehnuć

Telehram-bot «Mahnit», jaki siłaviki staviać zatrymanym: jakija źviestki jon moža źbirać i jak ad hetaha abaranicca

Nashaniva.com

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

4

8

2

1

1

47