Rukapisy nie harać… Spadkajemcy nie dajuć
U hetym miesiacy musić vyjści ŭ śviet «Łaura i jaje aryhinał», niaskončany anhłamoŭny raman Uładzimira Nabokava.
U hetym miesiacy musić vyjści ŭ śviet «Łaura i jaje aryhinał», niaskončany anhłamoŭny raman Uładzimira Nabokava.Paśla taho, jak rukapis pralažaŭ kolki dziesiacihodździaŭ u sejfie, syn piśmieńnika, Dźmitry, narešcie vyrašyŭ nie pasłuchacca baćkavaha zapavietu spalić tvor.
Dźmitry Nabokaŭ, były opierny śpiavak i aŭtahonščyk, 30 hadoŭ zvodziŭ z rozumu suśvietnuju litaraturnuju supolnaść svaimi vahańniami nakont baćkavaj spadčyny. To jon kazaŭ, što raman treba spalić, to namiakaŭ, što z seksualnaha hledzišča nikim, akramia jaho, nie čytany «Łaura i jaje aryhinał» bolš dziorzki za skandalnuju «Łalitu». Narešcie, paŭtara hoda tamu małodšy Nabokaŭ narešcie pahadziŭsia vydać 80-staronkavy baćkavy tvor.
Uładzimir Nabokaŭ pisaŭ svoj apošni raman u 1977 hodzie ŭ šviejcarskim špitali. Rabiŭ jon toje, jak zazvyčaj, ałoŭkam na pierfakartkach.Ubačyŭšy, što raman nie ŭdasca zavieršyć, zahadaŭ žoncy Viery źniščyć kartki paśla jaho śmierci, ale ž taja nie pasłuchałasia muža. Viera pamiorła ŭ 1992 hodzie, pakinuŭšy rašeńnie ab źniščeńni tvora na synovaje ŭzvažańnie. I voś 17 listapada 2009 hoda, 32 hady paśla śmierci Nabokava, u śviet vychodzić jaho novy raman.
Uładzimir Nabokaŭ - adzin z samych značnych piśmieńnikaŭ XX stahodździa. Jon naradziŭsia ŭ 1899 hodzie ŭ Sankt-Pieciarburhu. U 1919 pakinuŭ Savieckuju Rasiju. Žyŭ u Brytanii, Bierlinie i Paryžy, a ŭ 1940 hodzie imihravaŭ u ZŠA. U Amierycy vydatna i admietna vykładaŭ rasijskuju i jeŭrapiejskuju litaratury na kafiedrach roznych univiersitetaŭ. Ad 1960 da śmierci žyŭ u Šviejcaryi. Siarod jaho knih: «Abarona Łužyna» (1930), , «Kamiera abskura» (1932), «Zaprašeńnie na ešafot» (1938). Pisaŭ adnolkava dobra pa-anhlijsku i pa-rasijsku. Bliskuča z'anhielščyŭ puškinskaha «Jaŭhienija Aniehina».
Ale ž suśvietnuju słavu Nabokavu prynios raman «Łalita» , jaki vyklikaŭ buru hramadskaha abureńnia, bo apisvaŭ eratyčnyja stasunki pamiž stałym mužčynam i 12-hadovym dziaŭčom. Adnak navat samyja zaciatyja rupliŭcy marali pryznavalisia, što hutarka viadziecca pra sapraŭdny litaraturny šedeŭr.
Čytać jašče:
Apaviadańni Ŭładzimira Nabokava pa-biełarusku na knihi.com.
