Zabaraniajuć uvozić i pradavać u Biełarusi pralny parašok «Mif»
Zabaronu na ŭvoz u Biełaruś rasijskaha pralnaha parašku «Mif» uvioŭ z 3 krasavika Dziaržstandart. Heta tyčycca pradukcyi z paznakaj «aŭtamat śviežy koler». Tavar užo źjaviŭsia ŭ śpisie niebiaśpiečnych, piša Office Life.
Havorka idzie pra papularny pralny parašok, jaki vyrablaje TAA «Prokter end Hembł-Navamaskoŭsk» u Tulskaj vobłaści Rasii. Jaho nielha jak uvozić, tak i pradavać na terytoryi Biełarusi.
Vytvorca paznačyŭ u markiroŭcy, što parašok možna vykarystoŭvać «u pralnych mašynach luboha typu». Ale Dziaržstandart źviarnuŭ uvahu na toje, što myjny srodak nie moža prymianiacca dla mašyn z frantalnaj zahruzkaj. Reč u tym, što pakazčyk «pienaŭtvaralnaja zdolnaść» nie pavinien pieravyšać 180 mm, a ŭ hetym vypadku jon akazaŭsia roŭny kala 207 mm.
U Dziaržstandarcie ličać, što takoje pieravyšeńnie pakazčyka ŭvodzić u zman spažyŭca pradukcyi jak pa jaje pryznačeńni i jakaści, tak i pa biaśpiecy.
Akramia taho, pradukcyja nie vytrymała i abaviazkovych patrabavańniaŭ dziaržstandartu pa pakazčyku «myjnaja zdolnaść». Jon pavinien składać nie mienš za 85%, ale nasamreč nie daciahnuŭ i da 56%. Hety momant, na dumku rehulatara, taksama ŭvodzić spažyŭcoŭ u zman.
Čytajcie taksama:
U Biełarusi zabaranili pradavać adzieńnie papularnaha brenda
U Biełarusi zabaranili pradavać nižniuju bializnu viadomaha italjanskaha brenda
