Łukašenka pryznačyŭ novych načalnikaŭ rehijanalnych upraŭleńniaŭ Śledčaha kamiteta
Alaksandr Łukašenka zrabiŭ kadravyja pryznačeńni ŭ sistemie Śledčaha kamiteta. Adpaviednyja ŭkazy jon padpisaŭ 24 sakavika, paviedamili ŭ pres-słužbie Łukašenki.
Jaŭhien Archirejeŭ
Načalnikam upraŭleńnia Śledčaha kamiteta pa Minsku pryznačany Jaŭhien Archirejeŭ, a pasadu načalnika ŭpraŭleńnia pa Mahiloŭskaj vobłaści zojmie Uładzimir Šyško.
Novy načalnik USK pa Minsku Jaŭhien Archirejeŭ raniej byŭ načalnikam Hałoŭnaha śledčaha ŭpraŭleńnia Śledčaha kamiteta. Słužbu jon pačynaŭ u 1998 hodzie, za svaju karjeru raskryŭ bolš za 1000 kryminalnych spraŭ. U tym liku mocna ščyravaŭ i ŭ halinie palityčnaha pieraśledu.
Raniej hałoŭnym staličnym śledčym byŭ Siarhiej Pasko. U lutym jaho zvolnili sa słužby ŭ zapas pa chvarobie z pravam našeńnia ŭstanoŭlenaj formy adzieńnia i znakaŭ adroźnieńnia.
Čytajcie taksama:
