Situacyja vielmi padobnaja da epochi zastoju ŭ Savieckim Sajuzie, ci ŭ Biełarusi dziasiatych hadoŭ. Takaja sistema niestabilnaja, ale jana moža isnavać dosyć doŭha, kali jaje abaraniać ad źniešnich, ci ŭnutranych razburalnych faktaraŭ. Paradoks mienavita ŭ tym, što navat ułada pačynaje vieryć u svaje kazki i absalutna hublaje suviaź z rečaisnaściu.

Rasieja maje nievierahodny ekanamičny patencyjał praz najaŭnaść syraviny i enierhanośbitaŭ. Padobna da krain Blizkaha Ŭschodu, Rasieja mahła by isnavać u dadzienaj dyspazicyi dziesiacihodździ, kali b niechta nie ŭjaviŭ ź siabie vialikaha hienieralisimusa i nie pačaŭ tyrkać u azadak sistemie vostrym drocikam. Prajhranaja vajna - badaj što adzinaja kartka, jakuju Pucin moh vyciahnuć z kałody, kab harantavana i chutka zrujnavać kartkavy domik, jaki prapahanda taki doŭhi termin razmaloŭvała ŭ kolery  "Vielikoj Rośsii".