Hiermanija vykanaje patrabavańnie Mižnarodnaha kryminalnaha suda na aryšt Pucina — ministr justycyi FRH
Ministr justycyi FRH Marka Bušman zajaviŭ u intervju haziecie Bild am Sonntag, što vykanaje patrabavańnie Mižnarodnaha kryminalnaha suda na aryšt Pucina, kali «jaho naha stupić na terytoryju Hiermanii». Jak zaznačaje vydańnie, dziejničać u adpaviednaści z pastanovaj Mižnarodnaha kryminalnaha suda pavinny ŭsie krainy, jakija padparadkoŭvajucca jaho jurysdykcyi, u tym liku FRH.
Mižnarodny kryminalny sud vydaŭ ordar na aryšt prezidenta Rasii Uładzimira Pucina. Jaho padazrajuć u vajennych złačynstvach, u pryvatnaści, u niezakonnaj departacyi ŭkrainskich dziaciej u Rasiju.
Dla Uładzimira Pucina ordar Mižnarodnaha kryminalnaha suda na jaho aryšt aznačaje, što jon bolš nie zmoža ŭjazdžać u krainy, jakija ratyfikavali Rymski statut, a taksama pryznajuć jurysdykcyju Mižnarodnaha kryminalnaha suda. Heta 123 dziaržavy śvietu, uklučajučy ŭsie krainy Jeŭropy i Paŭdniovaj Amieryki, Tadžykistan, Afhanistan, PAR, CAR i Nihieryju.
Pres-sakratarka Ministerstva zamiežnych spraŭ Rasii Maryja Zacharava zajaviła, što ordar na aryšt Uładzimira Pucina «nie maje nijakaha značeńnia» dla RF.
