Pieršaja łedzi Zimbabve pryjedzie ŭ Biełaruś
Žonka zimbabvijskaha kiraŭnika Aksilija Mnanhahva ŭ najbližejšy čas naviedaje Biełaruś, paviedamiŭ Alaksandr Łukašenka.
Siońnia jon pravioŭ sustreču ź Viktaram Šejmanam, jaki kuryruje supracoŭnictva z krainami Afryki. Łukašenka, u pryvatnaści, pacikaviŭsia, jak idzie rabota nad sumiesnymi prajektami, u tym liku pa vynikach vizitu ŭ Zimbabve.
«Jak prasoŭvajucca hetyja pytańni? My ž abiacali dapamahčy im u achovie zdaroŭja — sistemu naładzić. Maciarynskuju, dziciačuju śmiarotnaść. Tut my im pavinny vielmi surjozna dapamahčy. Ź dziciačym charčavańniem. U najbližejšy čas pryjazdžajuć ich ludzi. U tym liku žonka prezidenta (Zimbabve). U nas buduć pracavać, vieści pieramovy», — skazaŭ Łukašenka.
U kancy studzienia Łukašenka ź vialikaj delehacyj, u tym liku z Irynaj Abielskaj, svajoj byłoj lekarkaj i mierkavanaj maci Mikałaja Łukašenki, pabyvaŭ u Zimbabve.
ale siońnia vy pieraŭzyšli jaho