MZS apuściłasia ŭ aficyjnych kamientarach na ŭzrovień miemaŭ
Pres-sakratar MZS Anatol Hłaz prakamientavaŭ siońniašni zaklik deputataŭ Jeŭraparłamienta pašyryć sankcyi ŭ dačynieńni da Biełarusi. Słoŭ jamu nie chapiła, u chod pajšli bolš mocnyja arhumienty.
Anatol Hłaz
U asudžeńni sankcyj Hłaz, jak zvyčajna apošnija hady, trymajecca raźviaznaha, padkreślena niedypłamatyčnaha stylu, jaki zamiežnapalityčnaje viedamstva režymu Łukašenki całkam pieraniało ad svaich rasijskich kaleh paśla taho, jak stała zrazumieła, što pra niejkija dypłamatyčnyja ździajśnieńni na zachodnim kirunku možna zabycca.
U kancy zajavy ŭvohule źmiešvajecca bob z harocham: «Na nastupnym tydni biełarusy buduć uspaminać sapraŭdy trahičnuju dla našaj krainy i simvaličnuju dla ŭsiaho jeŭrapiejskaha rehijona datu — 80 hadoŭ z dnia trahiedyi ŭ Chatyni. Voś usie razam i pahladzim, jakuju zajavu zrobiać jeŭraparłamientaryi z hetaj nahody».
Ale najbolš cikava, jakim čynam Hłaz prailustravaŭ zajavu ad imia MZS cełaj krainy ŭ aficyjnym akaŭncie viedamstva.
Mahčyma, u MZS pierakananyja, što takija padychody dyskredytujuć nie tych, chto ich prymianiaje, a tych, kamu jany adrasavanyja.
