Prakuror padaŭ pratest na prysud ab «chatniaj chimii» i dabiŭsia kałonii
Sudovaja kalehija pa kryminalnych spravach Mahiloŭskaha abłasnoha suda dniami zadavoliła pratest prakurora Čerykaŭskaha rajona ab źmienie prysudu miascovamu žycharu Dźmitryju Ivanovu, jaki pryznany vinavatym u publičnaj abrazie pradstaŭnika ŭłady, paviedamlaje «Viasna».
Dźmitryj Ivanoŭ byŭ asudžany pa art. 369 KK da adnaho hoda i šaści miesiacaŭ abmiežavańnia voli biez nakiravańnia ŭ papraŭčuju ŭstanovu adkrytaha typu i štrafu ŭ pamiery 50 bazavych vieličyń.
Nie pahadziŭšysia z pryznačanym pakarańniem z pryčyny jahonaj nibyta miakkaści, prakuror Čerykaŭskaha rajona padaŭ na prysud apielacyjny pratest.
I ŭ vyniku jon dabiŭsia svajho. Pastanovaj sudovaj kalehii pa kryminalnych spravach Mahiloŭskaha abłasnoha suda Ivanovu pryznačana bolš strohaje pakarańnie — pazbaŭleńnie voli ŭ vyhladzie 1 hoda 6 miesiacaŭ z adbyvańniem u papraŭčaj kałonii va ŭmovach ahulnaha režymu sa štrafam u pamiery 100 bazavych vieličyń.
