ISW: Za luty vojski Rasii zachapili mienš za 0,04% terytoryi Ukrainy
U lutym 2023 hoda Rasii ŭdałosia zachapić mienš za 0,04% terytoryi Ukrainy. Pra heta paviedamlaje Business Insider sa spasyłkaj na amierykanski Instytut vyvučeńnia vajny (ISW).
Pavodle kartahrafičnych źviestak, z 31 studzienia da 28 lutaha Rasija zachapiła blizu 234 kvadratnych kiłamietraŭ, abo 0,039%, terytoryi Ukrainy. Business Insider adznačaje, što mienavita na hety miesiac anansavaŭsia nastup Rasii.
U svaju čarhu hrupa adsočvańnia War Mapper paviedamiła, što ŭ lutym Rasija pavialičyła płošču zachoplenych terytoryj na 85 kvadratnych kiłamietraŭ, što ekvivalentna 0,01% ukrainskaj terytoryi.
U ISW adznačyli, što «abiedźvie ličby dosyć małyja», a ich adroźnieńnie moža być źviazana ź niaznačnymi pralikami, choć jany pakazvajuć na «abmiežavanaść terytaryjalnych zavajoŭ Rasii».
U sakaviku Rasija taksama nie damahłasia prykmietnych pośpiechaŭ, u tym liku na ŭschodniaj linii frontu, dzie znachodzicca Bachmut. Business Insider dadaje, što Rasija praciahvaje hublać vialikuju kolkaść sałdat i techniki.
