Hienprakuror Švied patłumačyŭ, navošta jany chočuć sudzić pamierłych nacystaŭ
Niekalki tydniaŭ tamu hienprakuror Andrej Švied anansavaŭ, što ŭ kancy hetaha hoda pačnucca zavočnyja pracesy suprać nie tolki jašče žyvych fihurantaŭ spravy ab hienacydzie biełaruskaha naroda, ale i pamierłych. Ciapier jon narakaje, što ź ich zadumy śmiajucca, i tłumačyć, u čym sens navinki biełaruskaha pravasudździa.
Fota: BiełTA
«Što tyčycca miortvych złačyncaŭ. Nas sprabujuć imi taksama padkałupnuć. Heta śviedčyć pra toje, što jany ŭsio adsočvajuć i bajacca…
Pytańnie nie ŭ tym, što my chočam asudzić niejkich mifičnych pamierłych karnikaŭ, pačynajučy z Hitlera, jak jany kažuć. Nie ŭ hetym reč, a ŭ tym, što prysudam našaha nacyjanalnaha suda dla adnaŭleńnia poŭnaj karciny złačynstvaŭ pavinny być apisany złačynnyja dziejańni hetych niahodnikaŭ», — skazaŭ Andrej Švied na sustrečy z supracoŭnikami MNS.
Jon taksama dadaŭ, što jany majuć infarmacyju pra «400 jašče žyvych esesaŭcaŭ».
«U asnoŭnym heta litoŭcy, łatyšy i estoncy. Asnoŭnaja častka ź ich chavajecca ŭ Łacinskaj Amierycy i Kanadzie. Zrazumieła, što Kanada ich nie vydaść. Tyja žyvyja naščadki, jakija ŭ Ryzie i Vilni maršyrujuć, — ich taksama nichto nie vydaść. Ale z Arhiencinaj i inšymi dziaržavami praca viadziecca».
U krasaviku minułaha hoda vyjšła kniha hienprakurora «Hienacyd biełaruskaha naroda».
Čytajcie taksama: Hienprakuror Švied u minułym hodzie staŭ nie prosta doktaram navuk, a «najlepšym» va ŭsioj krainie
