U minskim aeraporcie zatrymali nihieryjca z falšyvym pašpartam Hany, jaki pryjechaŭ hulać u futboł
Unačy 11 sakavika ŭ Nacyjanalnym aeraporcie Minsk pamiežniki zatrymali nihieryjca, jaki prybyŭ u Biełaruś rejsam «Stambuł-Minsk», paviedamiŭ Dziaržaŭny pamiežny kamitet. Akazałasia, što ŭ hościa z Afryki ŭsio vielmi zabłytana.
Fota: skrynšot ź videa
Dla prachodžańnia pašpartnaha kantrolu afrykaniec padaŭ pašpart hramadzianina Hany, adnak pamiežniki vyjavili ŭ im padrobku — staronka z ustanovačnymi źviestkami była zamienienaja.
Jak vyśvietliłasia, mužčyna padrabiŭ dakumient, źmianiŭšy svoj uzrost, kab prafiesijna zajmacca futbołam u siabie na radzimie. A ŭ Biełarusi jon nibyta płanavaŭ praciahnuć karjeru hulca — u jakim kłubie, nie ŭdakładniajecca.
Sapraŭdny pašpart mužčyny, hramadzianina Nihieryi, znajšli ŭ jaho asabistych rečach. Ciapier nihieryjec znachodzicca ŭ izalatary HUUS Minharvykankama, jamu pahražaje i administracyjnaja, i kryminalnaja adkaznaść.
