Znajści
Ałharytmičny łacinski varyjant
13.03.2023 / 22:109RusŁacBieł

UPC Maskoŭskaha patryjarchatu admaŭlajecca sychodzić z Kijeva-Piačerskaj łaŭry

Ukrainskaja pravasłaŭnaja carkva Maskoŭskaha patryjarchatu nie maje namieru vysialacca z Kijeva-Piačerskaj łaŭry. Pra heta havorycca ŭ videazvarocie Paŭła (Lebiedzia) — namieśnika Śviata-Uśpienskaha manastyra UPC MP, jaki ciapier zajmaje častku łaŭry.

Pavieł (Lebiedź) padčas videazvarotu. Skrynšot

«My nie majem namieru vysialacca i nie budziem, tamu što ciapier jość zakony, jakija na baku čałavieka. Pahražać, što z nami raspraviacca, — heta nie 17-y hod. Siońnia jość suśvietnaja supolnaść, jość niejkaja kultura», — skazaŭ mitrapalit Pavieł.

Jon adznačyŭ, što nie suprać naviedvańnia łaŭry kamisijaj, jakuju stvaryli dla pošuku vierahodnych parušeńniaŭ vykarystańnia majomaści. Ale ŭ toj ža čas jon zajaviŭ, što UPC MP płanuje «da apošniaha adstojvać svaje pravy», i zaklikaŭ heta rabić svaich prychilnikaŭ.

Raniej paviedamlałasia, što damova na biezapłatnaje karystańnie UPC Kijeva-Piačerskaj łaŭraj anulujecca z 29 sakavika 2023 hoda i heta tyčycca ŭsich pamiaškańniaŭ, jakija UPC u łaŭry aranduje.

Tak jak Kijeva-Piačerskaja łaŭra źjaŭlajecca ŭłasnaściu ŭkrainskaj dziaržavy, to vysialeńnie adtul UPC robicca na padstavie vysnoŭ mižviedamasnaj pracoŭnaj hrupy, jakaja padčas svajoj pracy vyjaviła parušeńnie manastyrom umoŭ damovy pa vykarystańni dziaržaŭnaj majomaści.

Čytajcie taksama:

UPC Maskoŭskaha patryjarchatu da kanca sakavika musić pakinuć Kijeva-Piačerskuju łaŭru

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
i inšyja dzy/adkazać/
14.03.2023
a tolki ksiandzy
0
Hryn/adkazać/
14.03.2023
Pa vyznačeńni manachi ničoha nia majuć, ničym nie vałodajuć. Heta jość manaski zarok biednaści. Kali hetyja ludzi sapraŭdy manachi, jany biez prablem pakinuć łaŭru, bo łaŭra nie ichniaja majomaść. Kali nasamreč jany nie manachi, ale rasiejskija ahienty, treba pierajaždžać u Rasieju.
0
Andruś/adkazać/
14.03.2023
Hryn, darečy, tam jašče kavałak kručy nad Dniaprom "nie zasvojeny" zastaŭsia. Mohuć znoŭ naryć sabie piačoraŭ i zasnavać svaju - maskoŭska-piačorskuju łaŭru. ))  
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031