Rasija niekalki razoŭ adpraŭlała ŭ Iran uzbrajeńnie NATA, zachoplenaje va Ukrainie, dla vyvučeńnia i kapijavańnia — CNN
Z pačatku vajny va Ukrainie Rasija niekalki razoŭ adpraŭlała ŭ Iran zachoplenyja na poli boju zbroju i techniku, jakija byli pieradadzieny ŭkrainskamu boku ZŠA i krainami NATA. Pra heta CNN raspaviali čatyry krynicy, znajomyja z hetym pytańniem, piša «Mieduza».
Prezident Rasii Uładzimir Pucin i prezident Irana Ebrachim Raisi padčas sustrečy ŭ kułuarach samita Šanchajskaj arhanizacyi supracoŭnictva ŭ Samarkandzie, 15 vieraśnia 2022 h. Fota: Kremlin Pool Photo via AP
Pa słovach surazmoŭcaŭ telekanała, za apošni hod uradavyja struktury NATA, ZŠA i inšych krain Zachadu fiksavali niekalki vypadkaŭ, kali vojskam RF dastavalisia nievialikija, pieranosnyja vidy ŭzbrajeńniaŭ, jakija pastaŭlajucca Kijevu sajuźnikami. U tym liku havorka idzie pra amierykanskija supraćtankavyja rakietnyja kompleksy Javelin i zienitna-rakietnyja kompleksy Stinger.
U Iranie zbroju raźbirali i daśledavali, śćviardžajuć krynicy CNN. Jany miarkujuć, što iranskija vajskoŭcy sprabavali stvaryć ułasnuju viersiju hetaj zbroi. U svaju čarhu, Maskva takim čynam padšturchoŭvaje Tehieran praciahvać padtrymku rasijskaha ŭvarvańnia, ličać surazmoŭcy telekanała.
Amierykanskija čynoŭniki nie ličać prablemu maštabnaj ci sistemnaj, ale pryznajuć, što takija pastaŭki ciažka adsačyć. Pa danych CNN, ukrainskija vajskoŭcy z samaha pačatku vajny paviedamlajuć Pientahonu pra lubyja vypadki zachopu amierykanskaha ŭzbrajeńnia vojskami RF.
Partniorstva Maskvy i Tehierana ŭ abaronnaj śfiery značna ŭzmacniłasia z momantu rasijskaha ŭvarvańnia va Ukrainu.
Tak, Minabarony RF prymianiaje dla ŭdaraŭ pa vajskovych i enierhietyčnych abjektach Ukrainy dron-kamikadze iranskaj vytvorčaści «Šachied-131/136». Akramia taho, paviedamlałasia, što Iran pastaviŭ Rasii vialikuju kolkaść bojeprypasaŭ, a taksama źbirajecca adpraŭlać balistyčnyja rakiety «Fatech-110» i «Zulfikar», dalokaść jakich składaje 300 i 700 kiłamietraŭ adpaviedna.
