«Usie padzielenyja na roznyja stupieni łajalnaści». Niełajalnych supracoŭnikaŭ Liceja BDU padzialili na try roznyja śpisy
U Licei BDU «z dapamohaj i pry ŭdziele namieśnika ad KDB» skłali try śpisy niełajalnych pracaŭnikoŭ. Takuju infarmacyju «Biełsatu» paviedamiła krynica, znajomaja ź situacyjaj u navučalnaj ustanovie.
U śpisy ŭklučanyja ŭ jakaści asobnych katehoryj ułasna ŭdzielniki pratestaŭ, asoby, jakija achviaravali hrošy na roznyja inicyjatyvy, i tyja, chto ŭ 2020 hodzie staviŭ podpisy za alternatyŭnych kandydataŭ na prezidenctva.
«Adpaviedna, usie pracaŭniki padzielenyja na roznyja stupieni łajalnaści ŭ zaležnaści ad taho, u jakoj kolkaści śpisaŭ zapisanyja», — kaža krynica.
Na dumku surazmoŭcy «Biełsata», tady niełajalnych było b praściej «patrochu zvalniać pa zakančeńni kantraktaŭ».
«U takim razie praca ŭstanovy adukacyi nie spynicca», — padkreśliŭ surazmoŭca.
Čornyja i šeryja śpisy
Padobna da taho, što praktyka čystki pavodle śpisaŭ i katehoryj u zaležnaści ad stupieni prajaŭlenaha valnadumstva pašyryłasia na ŭsiu krainu. Raniej čytačy «Biełsata» ź dziaržaŭnaj arhanizacyi adnaho z abłasnych centraŭ paviedamlali pra isnavańnie śpisaŭ na zvalnieńnie (ci panižeńnie ŭ pasadzie), u jakija trapili navat miascovyja načalniki. Ź ichnich słoŭ, maštab «kary» zaležyć ad taho, ci čałaviek tolki padpisaŭsia za niejkaha alternatyŭnaha kandydata, ci dzieści ŭdzielničaŭ.
Čytačy paviedamlali, što ŭ niekatorych arhanizacyjach kiraŭnictva sprabuje adbić tych rabotnikaŭ, jakija tolki padpisalisia ŭ 2020 hodzie za alternatyŭnych kandydataŭ, bo niama kamu pracavać.
Tych ža, chto dzieści byŭ zaŭvažany na akcyjach, adbić navat nie sprabujuć — zvalniajuć adrazu.
Pra najaŭnaść roznych śpisaŭ raniej kazała i lekarka Maja Cierakułava z Babrujska, jakaja taksama była zvolniena z palityčnych pryčyn i paśla źjechała ŭ Polšču.
«Kali prychodziła ŭładkoŭvacca, adrazu pytali: «Vy ŭ jakim śpisie — u šerym ci ŭ tym, što bolš čorny? Kali ŭ šerym, my vas voźmiem, bo nam patrebnyja daktary. Kali ŭ čornym, to vybačajcie». Adzin z hałoŭnych daktaroŭ padstancyi chutkaj dapamohi z honaram raspavioŭ, jak zvolniŭ usich miedykaŭ sa śpisa, i adnaho ź jahonych pracaŭnikoŭ pasadzili na čatyry hady. Kali sudzić pavodle taho, što nadalej ja ad usich atrymlivała admovy, ja ŭ čornym śpisie», — raspaviadała piedyjatr.
Raniej krynicy «Biełsata» paviedamlali, što supracoŭnik KDB, adkazny za Licej BDU, «płanuje zvolnić 30 asob, usich pužaje». Źmieny va ŭstanovie čakajucca z 30 maja, ale jakija — nichto nie viedaje.
«Chiba što zładziać palityčnyja čystki — prybiaruć samych niepažadanych, bo jakraz uletku ŭ bolšaści zakančvajucca kantrakty. Niezdarma ž cełaha hebista na staŭku pasadzili, jaki ŭsich vyklikaje na dopyty i niešta kapaje», — miarkuje surazmoŭca.
Pavodle jaho, supracoŭnik KDB sabraŭ na pracaŭnikoŭ Liceja vialikaje daśje — «ekstremisckija» čaty, vystupy, udzieł u akcyjach i h. d.
Čytajcie taksama:
Płanujucca masavyja zvalnieńni ŭ Licei BDU? Što viadoma
Krainu pakinuła kultavaja vykładčyca Liceja BDU
Licej BDU i KDB ładziać sumiesny konkurs. U tym liku pra Fieliksa Dziaržynskaha
A 500 000 ŭ biełaruskam hajunie chto?
A vajuje va Ukrainie chto? inapłaniecianie????
A rejkavyja partyzany chto?
Niejki durań źjechaŭ z krainy i ličać, što narod skončyŭsia....