U noč pierad uvarvańniem Rasii vieterany «Azova», ultras i dobraachvotniki atrymali zbroju sa schovanak HUR
Vieterany «Azova», futbolnyja chulihany i dobraachvotniki ŭ Charkavie atrymali zbroju ad HUR Minabarony Ukrainy ŭviečary 23 lutaha 2022 hoda, za niekalki hadzin da poŭnamaštabnaha ŭvarvańnia RF. Pra heta «UP» raspavioŭ kamandzir śpiecpadraździaleńnia Kraken z pazyŭnym Vita.
Kamandzir śpiecpadraździaleńnia Kraken z pazyŭnym Vita. Fota: «UP»
Pavodle jaho, dobraachvotnikam razdali pistalety, aŭtamaty Kałašnikava, niekalki bujnakalibiernych kulamiotaŭ, hranatamiotaŭ i PTURaŭ.
Usiaho «ruch supracivu» Charkava, jakim zajmaŭsia HUR, naličvaŭ da 500 čałaviek. Ale ŭžo 24 lutaha kolkaść achvotnych abaraniać horad, jakija prychodzili ŭ nieaficyjny, hramadski štab abarony, pavialičyłasia ŭdvaja.
Praź miesiac vieterany «Azova» i ultras skłali kaściak novaha śpiecpadraździaleńnia HUR MA Ukrainy Kraken. Siarod ich eks-kiraŭnik «Nackorpusa» Charkava Kanstancin Niemičaŭ i aŭtar kryčałki «Pucin-Ch***o» Siarhiej Vialička Čyli, jaki na momant uvarvańnia Rasii znachodziŭsia ŭ SIZA. Jon byŭ amnistavany prezidentam Zialenskim.
Śpiecpadraździaleńnie Kraken udzielničała ŭ vyzvaleńni takich nasielenych punktaŭ, jak Alchoŭka, Ruskaja Łazavaja, Pitomnik, Bałakleja, Kupiansk i inš.