Turcyja pierastała afarmlać rasijskija hruzy, ale ź biełaruskimi jašče pracuje
Błakavańnie afarmleńnia tranzitnych hruzaŭ u Turcyi pakul nie zakranuła biełaruskich hruzaŭładalnikaŭ i tavary — ich praciahvajuć afarmlać. Pra heta raskazała kiraŭnica zakupak siektara «Zachad» kampanii STALOGISTIC Alesia Litvinienka vydańniu Office Life.
Stambuł. Ilustracyjnaje fota
Litvinienka patłumačyła, što ŭzmacnieńnie strohaści da afarmleńnia rasijskich hruzaŭ źviazanaje z ustupleńniem Turcyi ŭ Jeŭrapiejski mytny sajuz. U suviazi z hetym afarmleńnie hruzaŭ adbyvajecca de-fakta ŭ jeŭrapiejskaj mytnaj sistemie, u jakoj była pastaŭlenaja zabarona na ekspart u Rasiju sankcyjnych hruzaŭ.
Heta tyčycca hruzaŭ jak jeŭrapiejskaha, tak i amierykanskaha pachodžańnia. Adnosna hruzaŭ tureckaha pachodžańnia infarmacyja ŭdakładniajecca.
Raniej paviedamlałasia, što rasijskija kampanii pačali atrymlivać ad tureckich partnioraŭ infarmacyju ab spynieńni adhruzak u kirunku RF. Prablemnym stała afarmleńnie tavaraŭ paralelnaha impartu.
Čytajcie taksama:
