Stała viadoma, chto taki Jakucik, pra jakoha pa ŭsioj Biełarusi dapytvali strałkoŭ, i ŭ čym jaho abvinavačvajuć
Dziaržaŭnyja ŚMI raskryli tajamnicu taho, čamu siłaviki tak zaciata šukali hetaha mužčynu.
Vital Jakucik. Fota: tvr.by
Siońnia ŭ čarhovym filmie BT raspaviali, u čym mienavita vinavaciać Vitala Jakucika, i raskryli jaho asobu.
Vital Jakucik — 35-hadovy biełarus. Jon zachaplaŭsia stralboj i stabilna zajmaŭ vysokija miescy na spabornictvach pa praktyčnaj stralbie ŭ Biełarusi. Vital — adzin z najlepšych strałkoŭ u našym rehijonie.
Pa infarmacyi «Našaj Nivy», raniej Jakucik pracavaŭ prahramistam u kampanii IBA.
Łukašysty miarkujuć, što mienavita jon pieravioz u Biełaruś drony, jakimi atakavali samalot A-50. Miarkujučy pa ŭsim, jon znachodzicca pa-za miežami Biełarusi.
Nahadajem, mienavita Jakucik byŭ abjektam cikavaści siłavikoŭ na dopytach strałkoŭ u Minsku i vobłaści. Ludziej nakiroŭvali na palihraf, kab jany adkazali, ci znajomyja ź im. Masavyja zatrymańni strałkoŭ-amataraŭ, rekanstruktaraŭ i strajkbalistaŭ adbylisia na minułym tydni.
«Naša Niva» dva dni tamu nakiravała na mejł Vitala Jakucika zapyt pra kamientar, adkazu pakul nie atrymali.
«Naša Niva» — bastyjon biełaruščyny
PADTRYMAĆČytajcie jašče:
Kaho mienavita zatrymali ŭ vioscy Čarciaž? Heta siamiejnaja para, u ich dvoje dziaciej
