U Zialenskaha i Załužnaha byli roznahałośsi pa Bachmucie — ŚMI
Niekalki tydniaŭ tamu Załužny rekamiendavaŭ razhledzieć mahčymaść vychadu z Bachmuta, kab źmienšyć straty, piša niamieckaje vydańnie Bild sa spasyłkaj na krynicy va ŭkrainskim palityčnym kiraŭnictvie. Z hetaj nahody ŭ jaho byli roznahałośsi z Uładzimiram Zialenskim.
Skrynšot videa
«Choć rasijskija straty, jak kažuć, značna vyšejšyja, mnohija ŭkrainskija žaŭniery taksama zahinuli pry samaaddanaj abaronie horada. Kažuć, što na hetym fonie Załužny nastojvaŭ na mahčymym vychadzie z Bachmuta na rańnim etapie», — piša vydańnie.
«Pieravažnaja bolšaść sałdat u Bachmucie nie razumiejuć, čamu horad utrymlivajecca. Chłopcy ŭ Bachmucie pytajucca siabie: jakaja stratehija?» — pryvodzić Bild mierkavańnie vajskovaha analityka.
U artykule adzin z surazmoŭcaŭ vydańnia vykazvaje dumku, što ciapier Bachmut staŭ pastkaj dla Ukrainy, choć tam i zahinuła bolej rasijan.
Tyja, chto vykazvajecca za praciah abarony Bachmuta, ličać, što kali adstupić, ciažkija bai pačnucca ŭ inšych nasielenych punktach.
