Prapahandyst Uładzimir Sałaŭjoŭ zajaviŭ, što trapiŭ pad abstreł pad Vuhladaram
Rasijski prapahandyst Uładzimir Sałaŭjoŭ paćvierdziŭ, što trapiŭ pad artyleryjski abstreł padčas naviedvańnia raźmiaščeńnia 155-j bryhady marskoj piachoty US RF pad Vuhladaram u Danieckaj vobłaści. Pra heta jon raskazaŭ u niadzielu, 5 sakavika, u efiry prahramy «Niadzielny viečar z Uładzimiram Sałaŭjovym» na telekanale «Rasija-1».
Uładzimir Sałaŭjoŭ
Prapahandyst paviedamiŭ, što ŭkrainskaja artyleryja adkryła intensiŭny ahoń pa nasielenym punkcie, dzie jakraz prachodziła jaho sustreča z rasijskimi vajskoŭcami.
«Ale ničoha, usio abyšłosia. Dumaju, vajskovaja kontrraźviedka raźbiarecca, adkul vorah daviedaŭsia ab našych pieramiaščeńniach», — skazaŭ jon.
Uładzimir Sałaŭjoŭ razam sa zdymačnaj hrupaj pajechaŭ pad Vuhladar, kab padtrymać vajskoŭcaŭ paśla źjaŭleńnia infarmacyi pra vializnyja straty marpiechaŭ 155-j bryhady i padniać ich bajavy duch. Adnak, kali Sałaŭjoŭ pryjechaŭ na miesca raźmiaščeńnia marpiechaŭ, pa nasielenym punkcie ŭdaryła artyleryja USU.
