Adnaho sa stvaralnikaŭ «Sputnika V» zadušyli ŭ Maskvie
U Maskvie zabili adnaho sa stvaralnikaŭ vakcyny «Sputnik V» Andreja Bocikava, paviedamlaje RBK. Sprava maje seksualny padtekst.
Fota: Telegram / skmoscowgsu
Navukoviec byŭ zabity padčas svarki z hościem. Toj zadušyŭ navukoŭca remieniem. Zdareńnie adbyłosia ŭ kvatery Bocikava.
Padazravanaha, 29-hadovaha mužčynu, zatrymali, padčas dopytu toj, jak paviedamlaje SK, pryznaŭ svaju vinu. Pavodle źviestak SK, raniej zatrymany pryciahvaŭsia da kryminalnaj adkaznaści za ciažkaje złačynstva.
Jak pišuć rasijskija ŚMI, zabojca zarablaje akazańniem seksualnych pasłuh.
Bocikaŭ pracavaŭ staršym navukovym supracoŭnikam u Navukova-daśledčym centry epidemijałohii i mikrabijałohii imia Hamalei. Mienavita hetaja navukovaja ŭstanova da žniŭnia 2020 hoda raspracavała vakcynu ad karanavirusa «Sputnik V», jakaja stała adnoj z asnoŭnych u Rasii. Bocikaŭ — suaŭtar patenta na vakcynu. Jon byŭ u liku tych navukoŭcaŭ, jakija atrymali ad Uładzimira Pucina ŭznaharodu za stvareńnie preparatu.
