Stohadovy panski dom prapanujuć za 37 rubloŭ. Jość aciapleńnie, vada, elektryčnaść, kanalizacyja, telefon i 2 ha ziamli
Stohadovy panski dom u Hancavickim rajonie minułaj viasnoj pradavali za $64500 u ekvivalencie, ciapier havorka idzie ŭsiaho pra 37 rubloŭ, źviarnuŭ uvahu Onliner. Dom pabudavali ŭ 1911 hodzie, jon naležaŭ pamieščykam Śviaržynskim.
Fota: planetabelarus.by
Ciapier dom adnosicca da ahraharadka Aharevičy Hancavickaha rajona. Heta historyka-kulturnaja kaštoŭnaść, tamu novamu ŭładalniku treba budzie padpisać achoŭnaje abaviazacielstva.
Budynak adnapaviarchovy, z kałonami, jaho płošča — 324 «kvadraty». Jość aciapleńnie, vada, elektryčnaść, kanalizacyja, telefon.
Pry domie jość prybudova, tancplacoŭka z mostam, učastak bolš čym na 2 hiektary pieradaduć u arendu na 30 hadoŭ.
Dom možna vykarystoŭvać pad pradprymalnickuju dziejnaść ci pad žyllo.
Aŭkcyjon projdzie 31 sakavika.
Jašče niadaŭna ŭ siadzibie raźmiaščałasia stałovaja rabotnikaŭ bujnoha sielhaspradpryjemstva «Biarozaviec». Adnak z časam haspadarcy stała niavyhadna ŭtrymlivać abjekt, raskazvała miascovamu vydańniu «Hancavicki čas» byłaja zachavalnica panskaha doma Halina Kulinoŭskaja. U 90-ja hady XX stahodździa pry siadzibie ŭ Aharevičach pravodzili konnyja spabornictvy, nie raz siudy pryjazdžali i čynoŭniki: tahačasnyja staršynia Saŭmina Viačasłaŭ Kiebič, premjer-ministry Michaił Miaśnikovič i Michaił Čyhir.
