U Breście sapsavany bankaŭski terminał spačatku čałavieka radavaŭ, a paśla davioŭ jaho da kryminałki
Minułym letam u Breście miascovy žychar zaŭvažyŭ, što adzin z terminałaŭ samaabsłuhoŭvańnia pamyłkova padvojvaje sumu srodkaŭ pry papaŭnieńni bankaŭskaj karty. Tady ŭ jaho ŭźnikła ideja, jak u karotki čas pabahacieć, jakuju jon nieadkładna realizavaŭ. Ale ŭrešcie heta skončyłasia kiepska.
Fota ilustracyjnaje
Śledčy kamitet paviedamiŭ, što ŭ žniŭni 2022 hoda 55-hadovy žychar Bresta vypadkova natrapiŭ na terminał samaabsłuhoŭvańnia, jaki pamyłkova padvojvaŭ sumu srodkaŭ, kali karystalnik papaŭniaŭ svaju kartu.
Mužčyna vyrašyŭ skarystacca situacyjaj i staŭ chadzić da taho terminała štodzień dy nie pa adnym razie. Takim čynam jamu ŭdałosia pabahacieć na bolš za 23 tysiačy rubloŭ.
Paźniej mužčyna rastłumačyŭ, što, natrapiŭšy na takuju niečakanuju krynicu chutkaha prybytku, zachacieŭ zdabyć srodki dla pahašeńnia kredytu. Ale ŭrešcie jaho ŭsio ž złavili i pa fakcie kradziažu, ździejśnienaha ŭ bujnym pamiery, zaviali kryminalnuju spravu.
Mužčynu ŭžo daviałosia ŭ poŭnym pamiery kampiensavać škodu, naniesienuju banku.
