Znajści
Ałharytmičny łacinski varyjant
20.02.2023 / 18:1426RusŁacBieł

Navalny da hadaviny napadu na Ukrainu apublikavaŭ prahramny tekst. Zhadaŭ i Biełaruś

Napiaredadni hadaviny poŭnamaštabnaha i niespravakavanaha ŭvarvańnia rasijskich vojskaŭ va Ukrainu rasijski apazicyjny lidar Alaksiej Navalny, jaki ciapier źniavoleny ŭ kałonii, maksimalna koratka sfarmulavaŭ svaju palityčnuju płatformu, vykazaŭšy spadziavańnie, što heta taksama płatforma «jašče vielmi mnohich narmalnych ludziej».

Alaksiej Navalny ŭ turmie. Skrynšot ź videa

Płatforma Navalnaha nazyvajecca «15 punktaŭ hramadzianina Rasii, jaki žadaje dabra svajoj krainie». 

Čatyry pieršyja punkty — heta kanstatacyja toj situacyi, u jakoj znachodziacca Rasija i rasijski narod dziakujučy raźviazanaj Pucinym «niespraviadlivaj ahresiŭnaj vajnie suprać Ukrainy pad niedarečnymi padstavami». 

Realnyja pryčyny vajny, na dumku Navalnaha — «palityčnyja i ekanamičnyja prablemy ŭnutry Rasii, imknieńnie Pucina ŭtrymać uładu luboj canoj», a taksama žadańnie ŭvajści ŭ historyju jak «car-zavajoŭnik» i «źbiralnik ziamiel».

U vyniku naniesienaja vialikaja škoda miljonam ukraincaŭ, ździejśnienyja vajennyja złačynstvy. Rasija ž ciarpić vajennaje paražeńnie, jakoje niepaźbiežnaje. «Kambinacyja «ahresiŭnaja vajna + karupcyja + biazdarnaść hienierałaŭ + słabaja ekanomika + hieraizm i vysokaja matyvacyja tych, chto abaraniajecca» vynikam budzie mieć tolki paražeńnie», kateharyčna zajaŭlaje Navalny. Paśla čaho pierachodzić da pytańnia — što Rasii i rasijanam rabić dalej?

Pierš za ŭsio jon adkazvaje na pytańnie, jakija miežy va Ukrainy. Adkaz na jaho adnaznačny:

«Takija ž, jak i ŭ Rasii, — mižnarodna pryznanyja, vyznačanyja ŭ 1991 hodzie. My, Rasija, ich taksama tady pryznali. Hetyja miežy Rasija pavinna pryznavać i ciapier. Tut niama čaho abmiarkoŭvać. Amal usie miežy ŭ śviecie vypadkovyja i vyklikajuć niečuju niezadavolenaść. Ale vajavać za ich źmieny ŭ XXI stahodździ nielha. Inakš śviet zahłybicca ŭ chaos».

Zychodziačy z hetaha, treba «pakinuć Ukrainu ŭ spakoi i dać joj mahčymaść raźvivacca tak, jak žadaje jaje narod. Spynić ahresiju, spynić vajnu i vyvieści ŭsie rasijskija vojski z terytoryi Ukrainy». 

Paśla taho treba «sumiesna z Ukrainaj, ZŠA, Jeŭrasajuzam i Brytanijaj šukać prymalnyja šlachi kampiensacyi škody, naniesienaj Ukrainie». Naprykład, prapanujecca paśla vajny nakiroŭvać na kampiensacyi častki rasijskich dachodaŭ ad ekspartu vuhlevadarodaŭ.

I, naturalna, musiać rasśledavacca rasijskija vajennyja złačynstvy ŭ supracoŭnictvie ź mižnarodnymi instytutami.

Spynieńnie pucinskaj ahresii — u intaresach Rasii, davodzić Navalny. Pry hetym jon ličyć hłupstvam, što ŭsim ruskim ułaścivaja impierskaja śviadomaść, pieršapryčynaj vajny jon ličyć dyktatara va ŭładzie. I ilustruje hetuju dumku prykładam Biełarusi.

«Naprykład, u vajnie suprać Ukrainy ŭdzielničaje Biełaruś. U biełarusaŭ taksama impierskaja śviadomaść? Nie, u ich taksama dyktatar va ŭładzie».

U Rasii, jak i ŭ luboj krainie z histaryčnymi pieradumovami da hetaha, zaŭsiody buduć ludzi ź impierskimi pohladami, ale heta daloka nie bolšaść, ličyć Navalny. I «takich ludziej treba pieramahać na vybarach, jak pieramahajuć pravych i levych radykałaŭ u raźvitych krainach».

Sam ža Navalny śćviardžaje, što nijakija novyja ziemli Rasii nie patrebnyja:

«Rasija — vielizarnaja kraina z nasielnictvam, jakoje skaračajecca, i vymirajučaj pravincyjaj. Impierskaść i ciaha da zachopu terytoryj — samy škodny i pahibielny šlach. Rasijskaja ŭłada znoŭ svaimi rukami źniščaje našu budučyniu dziela taho, kab kraina vyhladała bolšaj na karcie. Ale Rasija i tak vialikaja. Naša zadača — źbierahać narod i raźvivać toje, čaho ŭ nas až zanadta».

Tamu «dla Rasii i jaje naroda budzie nie prosta dobra, ale jašče i vielmi vyhadna spynić vajnu jak maha chutčej: tolki tak možna pačać ruch da źniaćcia sankcyj, viartańnia tych, chto źjechaŭ, adnaŭleńnia davieru da biznesu, ekanamičnamu rostu».

«My na dnie, i, kab uspłyć, nam treba adšturchnucca ad jaho. Heta budzie i maralna pravilna, i racyjanalna, i vyhadna», — pierakanany Navalny.

Jon bačyć nieabchodnym «demantaž režymu Pucina i jaho dyktatury, ustalavańnie parłamienckaj respubliki, zasnavanaj na źmianialnaści ŭłady praz sumlennyja vybary, niezaležnyja sudy, fiederalizm, miascovaje samakiravańnie, poŭnuju ekanamičnuju svabodu i sacyjalnuju spraviadlivaść».

A hałoŭnaje:

«Uśviedamlajučy svaje historyju i tradycyi, my pavinny być častkaj Jeŭropy i prytrymlivacca jeŭrapiejskaha šlachu raźvićcia. Inšaha ŭ nas niama, i inšaha nam i nie treba».

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
82
Панылы сорам
18
Ха-ха
14
Ого
4
Сумна
0
Абуральна
11
10
Sudździa u adstaucy/adkazać/
21.02.2023
Dla rośsijan Aleksiej - naiłučšij vybor na tiekuŝieje smutnoje vriemia. On i komanda sumieli sozdať štaby v etoj sumračnoj, antičiełoviečieskoj obstanovkie. Štaby vsie ravno byli razhromleny, a sam Aleksiej i jeho umniejšije kollehi juristy posažieny - eto pokazyvajet čudoviŝnosť obstanovki! Štaby chorošo otrabotali, provieli svoi rasśledovanija vorovstva, roskoši i korrupcii i obstavili dokazatielstvami eti rasśledovanija. Navalnyj i jeho komanda siehodnia eto łučšaja altiernativa tomu hniłomu nutru, kotoroje sžirajet Rośsiju iznutri. Toj rakovoj opucholi, kotoraja polezła v sosiednieje hosudarstvo i sžirajet jeho. I nie nado vspominať Aleksieju "byłoje", vsie ošibajutsia. Hłavnoje, čto čiełoviek diełajet i dumajet tiepieŕ. A tiepieŕ on i diełať ničieho nie možiet. Nachoditsia v samoj hłuchoj zapuŝiennoj kołonii sriedi otpietach ziekov, administracii i letučich parazitov. Imiejtie poniatije ob etom, stroča v jeho adries osuždienija, sidia doma, v ujutie.
2
maple/adkazać/
21.02.2023
Očieriednaja popytka uravniať rol Biełarusi i Rośsii v etoj vojnie. Siehodnia Biełaruś die-fakto nie javlajetsia suvieriennym hosudarstvom, kak by t.n. russkije libierały nie dokazyvali obratnoje s pienoj u rta.
1
Ale/adkazać/
21.02.2023
Vital, spačatku hetuju miažu z krakadziłami treba mieć u hałavie, jak litoŭcy i palaki zaŭsiody mieli navat pad akupacyjaj. Žychary bssr, jakija navalvajuć na biełaruskich sajtach rasiejščynaj dy hadujuć u rasiejščynie svaich dziaciej, takoj miažy vidavočna nia majuć. 
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
12345
6789101112
13141516171819
20212223242526
2728293031