Kim Čen Yn pahladzieŭ spartyŭnyja spabornictvy razam z dačkoj
Lidar KNDR Kim Čen Yn razam z dačkoj Kim Čžu E naviedaŭ spartyŭnyja spabornictvy pamiž kamandami Kabinieta ministraŭ i Minabarony z nahody dnia naradžeńnia kolišniaha lidara krainy Kim Čen Ira. Pra heta piša RBK sa spasyłkaj na Centralnaje telehrafnaje ahienctva Karei.
KNMA
Usiaho prajšło dva spabornictvy — hulnia ŭ futboł i pieraciahvańnie kanata. U abodvuch vypadkach pieramahła kamanda ministerstva abarony: u futbole jany abyšli pradstaŭnikoŭ Kabmina ź likam 3:1, u pieraciahvańni kanata — 2:0. Siarod hledačoŭ byli ministr abarony Kan Sun Nam i člen Prezidyuma Palitbiuro CK Pracoŭnaj partyi Karei Čo Jon Von, a taksama členy ŭrada i supracoŭniki inšych ministerstvaŭ.
Da minułaha listapada ŭłady KNDR nie paćviardžali najaŭnaść u lidara krainy dziaciej. Pavodle źviestak paŭdniovakarejskaj raźviedki, u ich z žonkaj Li Sol Čžu dźvie dački i syn — 2010, 2013 i 2017 hadoŭ naradžeńnia. Kim Čžu E — dziesiać hadoŭ. U apošni čas Kim Čen Yn časta źjaŭlajecca z dačkoj na publičnych mierapryjemstvach.
8 lutaha Kim Čžu E pabyvała razam z baćkami na mierapryjemstvach z nahody 75-hodździa Karejskaj Narodnaj armii, taksama na pačatku lutaha razam z baćkam jana naviedała vajenny parad, praviedzieny ŭ honar hetaha śviata. Paśla hetaha paŭdniovakarejskija ŚMI stali abmiarkoŭvać mahčymaść zrabić jaje pierajemnicaj kiraŭnika dziaržavy.
14 lutaha Paŭnočnaja Kareja pradstaviła sieryju marak z Kim Čžu E i jaje baćkam. Jana pryśviečanaja vyprabavalnamu pusku mižkantynientalnaj balistyčnaj rakiety «Chvason-17».
