U Minsku prapanujuć zadarma pryščapić sabak i katoŭ ad šalenstva
Minčanam prapanujuć u sakaviku biaspłatna vakcynavać ad šalenstva chatnich žyvioł, paviedamiła Minskaja haradskaja vietstancyja. Pryščaplać možna budzie i sabak, i katoŭ, praŭda, tolki ajčynnym preparatam «Biełrab».
Fota ilustracyjnaje
Z saboj achvotnym skarystacca prapanovaj treba budzie ŭziać rehistracyjnaje paśviedčańnie i/abo vietpašpart, namordnik, ašyjnik, adnarazovy špryc na 2 mililitry ci hrošy na jaho kuplu.
Za 10 dzion da pryščepki žyviolinie treba pravieści dehielmintyzacyju.
Pryščaplać sabak i katoŭ buduć u rajonnych vietstancyjach Minska, a dla žyvioł, haspadary jakich žyvuć u pasiołku Sokał, vakcynacyju buduć rabić u śpiecyjalna adviedzienym pamiaškańni, jakoje papiarednie ŭzhodniać z terytaryjalnym centram hihijeny i epidemijałohii.
